ժուլիեն բուլկիների մեջ: Ամենահաճելին այն է, որ այս ուտեստի համար մատուցման աման փնտրելու հարկ չկա: Երբ սա պատրաստեք, ընտանիքի անդամները խոհանոց կգան պարզելու, թե այս ինչ չքնաղ բույր է տարածվում: Շատ համեղ է!
Բուլկիների մեջ պատրաստվող ժուլիենը համեղ է, պարզ և արագ է ստացվում: Մեր առաջարկած ուտեստը պատրաստելը շատ հարմար է: Այս դեպքում դուք կունենաք երկրորդ ուտեստ և մի կտոր հաց միաժամանակ: Իսկ եթե մնա հաջորդ օրվա համար, ապա մի քանի րոպե տաքացրեք այն միկրոալիքային վառարանում, և ևս մեկ անգամ վայելեք այս համեղ հաճույքը:
ժուլիեն բուլկիների մեջ. Անհրաժեշտ բաղադրիչներ
_Հավի միս — 500 գրամ
_Թարմ սունկ — 300 գրամ
_Թթվասեր — 4-5 ճաշի գդալ
_Կոշտ պանիր -150 գրամ
_Սոխ — 1 հատ
_Բուլկիներ
_Բուսական յուղ
_Համեմունքներ` ըստ ճաշակի
ժուլիեն բուլկիների մեջ. Պատրաստման եղանակը
_Հեռացնել կաշին կրծքամսից և աղ արած ջրի մեջ խաշել այնքան, որ լավ փափկի:
_Միսն առանձնացնել ոսկորներից և մանր կտրատել:
_Կտրատել սոխը, տապակել թավայի մեջ: Ավելացնել մանր կտրատած սունկը, տապակել մինչև հյութի գոլորշիացումը: Ավելացնել մի քիչ աղ:
_Լցնել հավի կտորները, թթվասեր և եփել 15 րոպե:
_Բուլկիներ պատրաստել՝ կտրել վերևի մասը և հանել փափուկ միջուկը:
_Պանիրը քերել խոշոր քերիչով:
_Պատրաստված զանգվածը լցնել բուլկիների մեջ, վրան շաղ տալ քերած պանիրը և դնել 180 աստիճան տաքացրած ջեռոցը, թխել մինչև ոսկե դարչնագույն կեղև ստացվի, մոտ 5-7 րոպե:
ժուլիենը բուլկիների մեջ պատրաստ է, թե տաք, թե սառը վիճակում մատուցելու դեպքում նույնքան համեղ է:
Բարի ախորժակ:
Տեսանյութ
Համեղ ժուլիեն
