Իշխանը ջեռոցում. Յուրահատուկ լցոնով նրբահամ ձուկ

Ներկայացնում ենք Կիտրոնով և կանաչիներով Իշխանը ջեռոցում պատրաստման հայտնի բաղադրատոմսի նոր տարբերակ:

Բաղադրատոմսը կարելի է կատարելագործել՝ իշխանը լցոնելով պաքսիմատի, սոխի և սխտորի խառնուրդով։

Իշխանը ջեռոցում. Անհրաժեշտ բաղադրիչները

_Իշխան 2–2,8 կգ քաշով 1 հատ

_Պաքսիմատ 2 բաժակ

_Սոխ 1 հատ

_Սխտոր 1 պճեղ

_Մաղադանոս 1 փունջ

_Ուրց 2 ճյուղ

_Օրեգանո 2 ճյուղ

_Կիտրոնի հյութ կամ սպիտակ բալզամիկ քացախ 2 ճաշի գդալ

_Կարագ 1 ճաշի գդալ

_Ձիթապտղի յուղ 2 ճաշի գդալ + ևս մի քիչ

_Աղ, աղացած սև պղպեղ՝ ըստ ճաշակի

Մատուցման համար

_Կիտրոնի քերուկ 1 հատ

_Մաղադանոս և անանուխ (միայն տերևները) 4-5 ճյուղ

Իշխանը ջեռոցում. Պատրաստման եղանակը

_Մաքրել և մանրացնել սոխն ու սխտորը, կանաչիները մանր կտրատել։

_Ձիթապտղի յուղի և կարագի խառնուրդի մեջ տապակել սոխը, սխտորը մինչև կիսաթափանցիկ դառնա՝ 1 րոպե:

_Ավելացնել համեմունքները, կանաչիները, պաքսիմատը, մանրակրկիտ խառնել և հեռացնել կրակից։

_Ձուկը մաքրել թեփուկներից փորոտիքը հեռացնել:

_Լվանալ հոսող սառը ջրի տակ, չորացնել թղթե սրբիչներով և ներսից ու դրսից համեմել աղով և պղպեղով:

_Ձկները լցոնել պաքսիմատի միջուկով, դնել յուղաթղթով ծածկված ջեռոցի տապակի վրա, ցողել ձիթապտղի յուղով, կիտրոնի հյութով:

_Ջեռոցը տաքացնել մինչև 190°C և ձուկը թխել 25 րոպե։

_Մատուցելուց առաջ վրան ցանել մանր կտրատած մաղադանոս-անանուխի և կիտրոնի կեղևի խառնուրդը։

Բարի ախորժակ:

Տեսանյութ

Ձուկը ջեռոցում աղի մուշտակով