Եթե ժամանակ չունեք, լավաշով կարկանդակը կփրկի իրավիճակը: Կարող եք մի քանի րոպեում հագեցնող ու համեղ կարկանդակներ պատրաստել:
Արագ ստացվող բաղադրատոմս ենք առաջարկում փորձել, կարծում ենք այն ձեզ դուր կգա:
Այսպիսի ռուլետներ կարելի է պատրաստել նույնիսկ տոնական սեղանի համար դրանք փափուկ, հյութալի և գեղեցիկ են, կարող եք պատրաստել տարբեր լցոնումներով:
Լավաշով կարկանդակ. Անհրաժեշտ բաղադրիչները
_Լավաշ 2 հատ
_Ցանկացած աղացած միս 500 գ
_Սոխ, սխտոր, կանաչիներ՝ ըստ ճաշակի
_Ջուր 80 մլ
_Ձու 2 հատ
_Ջուր 2 ճաշի գդալ
_Համեմունքներ և աղ՝ ըստ ճաշակի
Լավաշով կարկանդակ. Պատրաստման եղանակը
_Աղացած միսը համեմել քերած սոխով և սխտորով, աղով, պղպեղով, անուշաբույր կանաչիներով և թարմ կանաչիների խառնուրդով:
_Լցնել մի քիչ ջուր և լավ խառնել, հարել այնպես, որ զանգվածը դառնա համասեռ:
_Աղացած միսը լավաշի վրա տարածել հավասար շերտով, փաթաթել ռուլետի նման և թողնել 10 րոպե:
_Հարել ձվերը աղով և անուշաբույր կանաչիներով, մի երկու ճաշի գդալ ջուր, կաթ, թթվասեր կամ մայոնեզ:
_Կտրել ռուլետները մասերի, յուրաքանչյուրը թաթախել խմորի մեջ և տապակել թավայի մեջ կափարիչով ծածկված չափավոր կրակով:
Ռուլետիկները կլինեն փափուկ և հյութալի, համեղ: Ճաշացանկը բազմազանեցնելու համար աղացած մսի փոխարեն կարող եք օգտագործել սունկը՝ սոխով կամ հավով, աղած կաթնաշոռը պանրով և կանաչիներով:
Բարի ախորժակ:
Տեսանյութ
Լավաշով ռուլետ 2 տարբերակ