Լավաշով ձուկ. Անչափ համեղ ուտեստ, որը երբեք չի հոգնեցնի: Անհնար է դիմադրել այս ուտեստի նրբությանն ու համին: Երբ սա մատուցում են սեղանին, սովորաբար ուտեստներից առաջինն է վերջանում, քանի որ և հագեցնող է և համեղ:
Ինչ վերաբերում է պատրաստման եղանակին, պետք է նշենք, որ որքան էլ ուտեստը բարդ թվա, այն իրականում շատ արագ ու պարզ է պատրաստվում: Հարկավոր է ընդամենը մի քանի քայլ և դուք կարող եք վստահաբար հյուրասիրել ձեր անգամ քմահաճ հյուրերին: Այս ուտեստը շատ կսիրեն երեխաները, որովհետև տեսքով ու համով բոլորովին չի զիջում շաուրմային կամ բուրիտոյին:
Դե ինչ, արդեն անցնենք գործի և առողջարար ու համեղ ուտեստ պատրաստենք:
Լավաշով ձուկ. Անհրաժեշտ բաղադրիչները
- Սկումբրիա ձկան փափուկ միսը 2 հատ
- Լոլիկ 2 հատ
- Սոխ 1 հատ
- Կիտրոնի հյութ 3 ճաշի գդալ
- Ձիթապտղի յուղ 2 ճաշի գդալ
- Լավաշ 2 հատ
- Աղ` ըստ համտեսի
- Սև պղպեղ (աղացած)` ըստ համտեսի
Լավաշով ձուկ. Պատրաստման եղանակը քայլ առ քայլ
- Սկումբրիայի միսը համեմել աղով և պղպեղով և տեղափոխել թավայի մեջ, որպեսզի յուղով տապակվի:
- Կիտրոնի հյութը խառնել ձիթապտղի յուղի հետ և խոզանակով քսել լավաշին:
- Մեջտեղում դնել լոլիկի կտորները, սոխի օղակները և տապակած ձկնամիսը:
- Լավաշով փաթաթել միջուկը և թեթևակի տապակել երկու կողմից:
Այս ուտեստի համար շատ հարմար են մեր հայկական ձկնատեսակները, բայց բնականաբար լավ կլինի վերցնել հնարավորինս առանց փշերի տեսակները: Դուք կարող եք ինքնուրույն փոփոխություններ անել բաղադրատոմսում ձկնամիսն ու համեմունքները տարբեր կերպ համադրելով:
Լավաշով ձուկը պատրաստ է:
Բարի ախորժակ: