Լավաշով նախաճաշ. Հագեցնող և արագ ստացվող նախաճաշ

Լավաշով նախաճաշ. Հագեցնող և արագ ստացվող նախաճաշ

Հաճախ, առավոտյան սովորական հարած ձվերի փոխարեն ես լավաշով համեղ նախաճաշ եմ պատրաստում: Խորհուրդ եմ տալիս այս ուտեստը բոլոր նրանց, ովքեր սիրում են վայելել համեղ կերակուր՝ արդյունավետ աշխատանքային օրվանից առաջ:

Տապակի մեջ լավաշով նախաճաշ պատրաստելու համար պետք է սովորական առավոտյան հավաքածու՝ պանիր, ձու, լոլիկ, կանաչիներ և որոշ համեմունքներ: Ավելին, դա նաև շատ արագ նախաճաշ է: Վերցեք անհրաժեշտ բաղադրիչները և սկսեք պատրաստել:

Լավաշով նախաճաշ. Անհրաժեշտ բաղադրիչները

_Ձու 4 հատ

_Կոշտ պանիր 150 գ

_Մոցարելլա 100 գ

_Լավաշ 2 հատ

_Աղ՝ ըստ ճաշակի

_Սև պղպեղ (աղացած)՝ ըստ ճաշակի

_Մաղադանոս 40 գ

_Լոլիկ 1 հատ

_Սուսամբար (օրեգանո)` ըստ ճաշակի

Լավաշով նախաճաշ. Պատրաստման եղանակը

_Լավաշը դնել չոր տապակի մեջ և դնել կրակի վրա:

_Կոտրել 4 ձու լավաշի վրա, աղ և պղպեղ անել:

_Մաղադանոսը մանրացնել և շաղ տալ տապակի մեջ՝ ձվերի վրա:

_Կոշտ պանիրը քերել և մի մասը լցնել մաղադանոսով տապակի մեջ:

_Համեմել սուսամբարով:

_Լավաշի վրա հարած ձվերը ծածկել երկրորդ լավաշով և եփել կափարիչով ծածկված, 5 րոպե՝ միջին կրակի վրա:

_Շրջել տապակի պարունակությունը մյուս կողմի և վրան դնել օղակներով կտրատված լոլիկ, աղ անել:

_Կտրել մոցարելլան օղակներով, յուրաքանչյուր լոլիկի վրա դնել մի կտոր:

_Վրան լցնել մնացած կոշտ պանիրը և մաղադանոսը: Եփել՝ մինչև ամբողջ պանիրը հալվի:

Լավաշով և ձվով նախաճաշը ոչ միայն շատ հագեցնող և համեղ է, այլև աներևակայելի գեղեցիկ: Միայն տեսեք, թե որքան գեղեցիկ է այն կտրված վիճակում: Դուք կարող եք փորձարկել հիմնական բաղադրիչներն ու համեմունքները փոփոխելով՝ ձեզ համար կատարյալ համին հասնելու համար:

Բարի ախորժակ:

Տեսանյութ

5 Արագ նախաճաշ