Այսօր պատրաստելու ենք համեղ լավաշով նախուտեստ: Ես նույնիսկ դա կանվանեի ոչ թե նախուտեստ, այլ լիարժեք ընթրիք: Պարզապես պատկերացրեք՝ հյութալի աղացած միսը, որը փաթաթված է լավաշով, սոուսով և պանրով, դա աներևակայելի համեղ է:
Եվ շատ հեշտ է եփվում, այդ հարցում ձեզ ոչինչ չի անհանգստացնի:
Լավաշով նախուտեստ. Անհրաժեշտ բաղադրիչները
_Աղացած միս — 450 գր
_Սոխ — 2 հատ (200 գր)
_Լավաշ — 7 փոքր շերտեր
_Աղ, սև պղպեղ՝ ըստ ճաշակի
_Սխտոր — 2-3 պճեղ
_Տոմատի հյութ — 300 գր
_Շաքարավազ — 1 թեյի գդալ
_Պանիր — 50-100 գր
Լավաշով նախուտեստ. Պատրաստման եղանակը
_Սոխը մանր կտրատել, սխտորը մանրացնել:
_Սոխը տապակել բուսական յուղով մինչև թափանցիկ լինի, ավելացնել սխտորը և տապակել ևս 1 րոպե:
_Տապակած սոխի կեսը ավելացնել աղացած մսին և այն համեմել աղով (ես ավելացրել եմ 0,5 թեյի գդալ աղ) և պղպեղով:
_Տապակած սոխի մնացած կեսին ավելացնել տոմատի հյութ և մի քիչ շաքար՝ տոմատի հյութի թթվայնությունը հավասարակշռելու համար: Աղ ու պղպեղ անել ըստ ճաշակի:
_Սոուսը թանձրացնելու համար եփել 5 րոպե:
_Յուրաքանչյուր լավաշի կտորի վրա դնել աղացած միսը և փաթաթել:
_Տոմատի սոուսի կեսը լցնել ուտեստի հատակին: Տեղադրել ռուլետիկները: Ավելացնել մնացած սոուսը:
_Թխել 25 րոպե 200 աստիճանով: Հանել ջեռոցից, շաղ տալ պանիրը և թխել ևս 5 րոպե:
Սա կարող է մատուցվել որպես համեղ ընթրիք, նախաճաշ և գուցե ճաշ:
Բարի ախորժակ:
Տեսանյութ
Լավաշով ռուլետ 2 տարբերակով
