Լավաշով ջեռեփուկ. Արագ հյուրասիրություն ընթրիքի համար

Առաջարկում ենք ձեզ հրաշագործ լավաշով ջեռեփուկ: Լավաշը վաղուց դարձել է բազմակողմանի, որովհետև օգտագործվում է ուտեստների լայն տեսականի պատրաստելու համար։

Լավաշի շնորհիվ կարելի է զգալիորեն կրճատել կերակրի պատրաստման ժամանակը, ժամանակ չկորցնել խոհանոցում խմորի պատրաստման համար։

Լավաշով ջեռեփուկ. Անհրաժեշտ բաղադրիչները

_Լավաշ 3 հատ

_Աղացած միս 600 գր

_Կանաչ սոխ 1 փունջ

_Կանաչի՝ ըստ ճաշակի

_Պանիր 250 գր

_Ձու 1 հատ

_Մայոնեզ 2 ճաշի գդալ

Լավաշով ջեռեփուկ. Պատրաստման եղանակ

_Խառնել աղացած միսը մանր կտրատած կանաչ սոխի, կանաչիների հետ, համեմել համեմունքներով, աղով, պղպեղով, մայոնեզով։

_Քերել պանիրը խոշոր քերիչով։

_Միջուկը բաժանել 3 մասի և քսել յուրաքանչյուր լավաշի վրա, ցանել պանիրը և փաթաթել խողովակաձև։

_Դնել կաղապարի մեջ և վրան լցնել հարած ձուն։

_Թխել 180 աստիճանով մոտ 30-40 րոպե։ Առաջին 15 րոպեները կարող եք թխել յուղաթղթով ծածկված, որպեսզի պանիրը հալվի, իսկ աղացած միսը լավ եփվի։

Ռուլետները շատ համեղ են և հագեցնող, միջուկին կարելի է ավելացնել տարբեր հավելումներ, բանջարեղեն և սունկ, խաշած միս և խոզապուխտ։

Բարի ախորժակ:

Տեսանյութ

Լավաշով ռուլետ 2 տարբերակ