Լոբով Կոլոլակներ պատրաստելով դուք կարող եք նույնքան համեղ ու նույնքան հագեցնող ուտեստ ստանալ:
Իրականում, միսը կարելի է փոխարինել այլ բուսական ծագմամբ սպիտակուցներով հարուստ մթերքներով, ինչպիսիք են հատիկեղենը, ընկույզները և սնկերը: Շեշտը դնելով համեմունքների և սոուսի վրա՝ մատուցեք ձեր ընտանիքին ոչ սովորական, բուրավետ և ախորժելի լոբով կոլոլակներ՝ հետաքրքիր համը հաճելիորեն կզարմացնի նրանց:
Բացահայտենք ևս մեկ հնարք՝ լոբով կոլոլակները նույնպես հիանալի համադրվում են ընկույզի հետ։
Լոբով Կոլոլակներ. Բաղադրիչներ
_Լոբի 1 բաժակ
_Բրինձ 1 բաժակ
_Սոխ 2 հատ
_Գազար 2 հատ
_Բուլղարական պղպեղ 1 հատ
_Լոլիկ 1 կգ
_Դափնու տերև 1–2 հատ
_Արևածաղկի ձեթ 3 ճաշի գդալ
_Աղ՝ ըստ ճաշակի
_Սև պղպեղ (աղացած) ըստ ճաշակի
Լոբով Կոլոլակներ. Պատրաստման եղանակը
_Լոբիները թրջեք ամբողջ գիշեր, ապա խաշել բրինձը և լոբին մինչև փափկի:
_Լոբին միացնել բրնձի հետ և խյուս անել բլենդերով: Խառնուրդին աղ և պղպեղ անել, ցանկության դեպքում ավելացնել նախընտրած համեմունքները (հարմար են պապրիկան, քրքումը, թակած մշկընկույզը, չորացրած կանաչիները):
_Լոլիկի վրա լցնել եռման ջուր և մաքրել կեղևը, այնուհետև խյուս անել։ Եթե թարմ լոլիկ չկա, ապա սեփական հյութի մեջ պահածոյացվածը հարմար կլինի:
_Գազարն ու բուլղարական պղպեղը քերել, սոխը մանր խորանարդիկներով կտրատել։
_Բանջարեղենը տապակել արևածաղկի ձեթի մեջ, այնուհետև կեսն առանձնացնել և դնել լոբով և բրնձով ամանի մեջ։
_Մնացած տապակած բանջարեղենին լցնել լոլիկը, աղ ու պղպեղ անել, շոգեխաշել ևս 1-2 րոպե։
_Լոբու ֆարշից կոլոլակներ ձևավորել, դնել ջեռոցի տապակի վրա և լցնել տոմատի սոուսը, ավելացնել դափնու տերև:
_Դնել 180 աստիճան տաքացրած ջեռոցում 20 րոպեով։
Այս կոլոլակները իդեալականորեն համադրվում են շոգեխաշած դդումի, վարսակի շիլայի և կարտոֆիլի պյուրեի հետ: Ավելացրեք կերակուրին մի ճյուղ մաղադանոս և համեղ ճաշը պատրաստ է:
Եթե ձեզ դուր եկավ բաղադրատոմսը, խնդրում ենք տարածել այն սոցիալական ցանցերում. գուցե ձեր ընկերները նույնպես փնտրում են համեղ, առանց մսի ուտեստներ:
Բարի ախորժակ:
Տեսանյութ
Կոլոլակով բրնձով փլավ