Լոբով կոտլետներ. Պասային փափուկ ու հագեցնող ուտեստը կարող է բազմազանություն մտցնել առօրյայում

Սպիտակուցի բաժինն ապահովելու համար պատրաստեք համեղ և առողջ լոբով կոտլետներ: Սա հիանալի տարբերակ է բուսակերների և առավել ևս՝ պաս պահողների համար:

Լոբով կոտլետներ. Անհրաժեշտ բաղադրիչները

_Եփած լոբի 1,5 բաժակ

_Սունկ 1 բաժակ

_Սխտոր 1 պճեղ

_Վարսակի ալյուր 0,5 բաժակ

_Համեմունքներ (սև պղպեղ, համեմի սերմ) 1-ական պտղունց

_Աղ 1 պտղունց

_Ձիթապտղի յուղ 2 + 4 ճաշի գդալ

Լոբով կոտլետներ. Պատրաստման եղանակը

_Լոբիները թրջել ամբողջ գիշեր, քամել ջուրը, եփել մինչև փափկի (կախված լոբու տեսակից՝ 1-1,5 ժամ):

_Քամել ջուրը և թողնել սառչի, մանրացնել բլենդերով կամ մսաղացով:

_Սունկն ու սխտորը մանր կտրատել, ձիթապտղի յուղով տապակել, մինչև սունկը եփվի։

_Վարսակի ալյուրը խորը ամանի մեջ խառնել լոբու խյուսի, տապակած սունկի, համեմունքների և աղի հետ։

_Գնդիկներ անել և մի փոքր հարթեցնել:

_Տապակել կոլոլակները յուրաքանչյուր կողմից, մինչև ոսկե դարչնագույնը:

_Որից հետո տեղափոխել յուղ քսած տապակի մեջ և թխել ջեռոցում 30 րոպե։

_Մատուցել լոլիկի կամ բոլոնեզ սոուսով մակարոնեղենի կամ բրնձի հետ:

Բարի ախորժակ:

Տեսանյութ

Դդմիկով կոտլետ