Լոլիկով և պանրով դդմիկ պատրաստելու համար ավելի լավ է օգտագործել երիտասարդ դդմիկներ: Դրանց կեղևն ավելի փափուկ է, իսկ բանջարեղենն ինքնին ավելի համեղ է։ Բայց ամեն դեպքում, կեղևը կարելի է հեռացնել, եթե այն չափազանց կոպիտ թվա։ Իսկ լոլիկները պետք է մեծ, հյութալի և մսոտ լինեն:
Այս բաղադրատոմսը գործողությունների խիստ հրահանգ չէ, այլ ավելի շուտ հնարավորություն ձեր երևակայության համար: Օգտագործեք ցանկացած համեմունք, թթվասերը փոխարինեք ցածր յուղայնությամբ մայոնեզով կամ մածունով, վերցրեք տարբեր տեսակի պանիրներ։
Ի դեպ, շատ համեղ կստացվի, եթե դդմիկը նախքան նորից ջեռոց դնելը ցողեք պեստո սոուսի բարակ շերտով:
Լոլիկով և պանրով դդմիկ. Բաղադրիչներ
_Դդմիկ 1 հատ
_Ձու 1 հատ
_Եգիպտացորենի օսլա 1 ճաշի գդալ
_Թթվասեր 2 ճաշի գդալ
_Սխտոր 1 պճեղ
_Ցորենի ալյուր 4 ճաշի գդալ
_Լոլիկ 2 հատ
_Կոշտ պանիր 70 գ
_Աղ՝ ըստ ճաշակի
Լոլիկով և պանրով դդմիկ. Պատրաստման եղանակը
_Լվանալ դդմիկը և պատառաքաղով քերել այն երկայնքով։ Այնուհետև այն կտրատել շրջանակներով, աղ անել և թողնել 5 րոպե։
_Թթվասերը խառնել ձվի, աղի, եգիպտացորենի օսլայի և ճզմած սխտորի հետ։
_Ալյուրը լցնել առանձին ափսեի մեջ։
_Դդմիկը չորացնել թղթե սրբիչներով: Թաթախել դրանք նախ ալյուրի, ապա ձվի խառնուրդի մեջ։
_Դդմիկը դնել թխման կաղապարի մեջ։ Դնել նախապես 180°C տաքացրած ջեռոցը 20-25 րոպե։
_Այդ ընթացքում լոլիկը կտրատել շրջանակներով, իսկ պանիրը՝ խորանարդիկներով (կարելի է քերել)։
_Թխած դդմիկի վրա դնել լոլիկը և պանիրը: Կաղապարը կրկին դնել ջեռոցը ևս 10 րոպեով։
Լոլիկով և պանրով դդմիկն այս բաղադրատոմսով հարմար է նաև որպես թեթև ճաշ կամ ընթրիք: Բացի այդ, դրանք լավ համադրվում են մսային և ձկան ուտեստների հետ։ Բոլոր նրանք, ովքեր, ովքեր կփորձեն, անմիջապես կգնահատեն ուտեստի համը:
Բարի ախորժակ:
Տեսանյութ
Դդմիկով կոտլետներ
