Լցնովի կարկանդակ աղացած մսով. Դուք կհիանաք այս բուրավետ թխվածքի համով
Հազվադեպ է պատահում, որ իսկապես համեղ ու պարզ բաղադրատոմս եք գտնում, որը հետագայում անփոխարինելի է դառնում:
Իմ հարազատները գիտեն. Եթե ես աղացած միս եմ հանել հալեցնելու համար, ուրեմն երեկոյան սեղանին համեղ հյուրասիրություն կլինի: Իհարկե, ոչինչ չի կարող համեմատվել տնական կարկանդակների հետ: Ես սիրում եմ աղացած մսով կարկանդակն իր բույրի, համի և պատրաստման հեշտության համար:
Տարիների ընթացքում ես վարժվել եմ այս բաղադրատոմսին, և այժմ ինձանից շատ քիչ ժամանակ է պահանջվում լցնովի կարկանդակը պատրաստելու համար: Քանի դեռ լցոնը տապակվում է, ես խմորն եմ հունցում, իսկ հետո ուղղակի շերտերը լցնում: Անպայման փորձեք թխել այս հրաշքը:
Լցնովի կարկանդակ աղացած մսով. Անհրաժեշտ բաղադրիչները
- Ձու 3 հատ
- Թթվասեր 200 գ
- Ցորենի ալյուր 150 գ
- Փխրեցուցիչ 1,5 թեյի գդալ
- Խոզի միս աղացած 500 գ
- Սոխ 1 հատ
- Մաղադանոս 0,5 փունջ
- Կանաչ սոխ 0,5 փունջ
- Սամիթ 0,5 փունջ
- Կոշտ պանիր 150 գ
- Աղ` ըստ ճաշակի
- Քնջութ՝ ըստ ճաշակի
- Պղպեղի խառնուրդ և խմելի- սունելի՝ ըստ ճաշակի
Լցնովի կարկանդակ աղացած մսով. Պատրաստման եղանակը
- Ձվերը հարել այնքան ժամանակ, մինչև փրփրեն, ավելացնել թթվասերը և շարունակել հարել: Ավելացնել փխրեցուցիչ, աղ, մաղած ալյուր և հունցել համասեռ խմոր:
- Աղացած միսը տապակել բուսական յուղով նախապես տաքացրած թավայի մեջ: Ավելացնել աղ և համեմունքներ և շոգեխաշել 15 րոպե, երբեմն խառնելով:
- Ջեռոցի տապակի ներքևի մասը և կողմերը յուղել և խմորի կեսը հավասարապես տարածել վրան:
- Խմորի վրա լցնել միջուկը, մանր կտրատած կանաչ սոխը, մաղադանոսը և սամիթը, քերած պանիրը:
- Մնացած խմորը լցնել վերևի շերտով և ցանել քնջութի սերմեր:
- Թխել կարկանդակը մոտ 40 րոպե, 180 ° C տաքացրած ջեռոցում:
Թթվասերով խմորը կարկանդակը դարձնում է փափուկ և քնքուշ, իսկ սոխ մսին տալիս է անմոռանալի համ: Բաղադրությունն, իհարկե, լրացվում է հալված պանրով: Ես սովորաբար օգտագործում եմ աղացած տավարի և խոզի մսի խառնուրդ, բայց կարող եք ընտրել ըստ ձեր ճաշակի:
