Առաջարկում եմ պատրաստել Լցոնած դդմիկ աղացած մսով, լոլիկով և կոշտ պանրով: Այս ուտեստը պարզ է, արագ պատրաստվող և շատ համեղ։
Լցոնած դդմիկ. Անհրաժեշտ բաղադրիչները
_Դդմիկ 2 հատ
_Լոլիկ 2 հատ
_Ցանկացած աղացած միս 250 գր
_Պանիր 130 գր
_Սոխ 1 հատ
_Աղ, պղպեղ՝ ըստ ճաշակի
_Կանաչիներ՝ ըստ ճաշակի
Լցոնած դդմիկ. Պատրաստման եղանակը
_Լվանալ դդմիկը և կտրատել մոտ 1 սմ հաստությամբ շերտերով։
Հուշում․ եթե շատ երիտասարդ դդմիկ ունեք, մի հանեք կեղևը, այն մի փոքր քաղցրություն է հաղորդում ուտեստին։
_Բաժակով կտրել մեջտեղը, միջուկը բլենդերով մանրացնել։
_Աղացած միսը խառնել դդմիկի խյուսի և կտրատած սոխի, աղի, պղպեղի և նախընտրած համեմունքների հետ։
_Ջեռոցի տապակը թեթևակի յուղել բուսական յուղով։
_Դդմիկի յուրաքանչյուր շրջանագծի մեջտեղում դնել աղացած միսը, մի փոքր սեղմել մատներով և դնել ջեռոցի տապակի վրա։
Հուշում․ այս լցոնված շրջանակները կարող եք թաթախել պաքսիմատի մեջ կամ պարզապես փշրանքներ ցանել վրան։
_Դդմիկի վրա դնել լոլիկի շերտ:
_Թխել մոտ 20-30 րոպե 200 աստիճան ջերմաստիճանում։
_Հանել, ցանել քերած պանիրը և թխել ևս 10 րոպե։
_Աղացած մսին կարելի է ավելացնել նաև մանրացված կանաչի, անուշաբույր կանաչիները նույնպես ավելորդ չեն լինի։
_Խառնել քերած պանիրը կանաչիների հետ, սխտորով և մայոնեզով՝ ցողելու համար, այդպես ավելի համեղ է ստացվում:
Բարի ախորժակ:
Տեսանյութ
Շատ շքեղ լցոնած սմբուկ հավի կրծքամսով