Լցոնած լավաշ. Ամենաարագ ու նրբագեղ նախուտեստը, որ կարելի է պատրաստել 15 րոպեում
Լցոնված լավաշ. թվում է, որ ոչ մի նոր բան հնարավոր չէ պատրաստել այս պարզ հացի օգնությամբ, բայց կարող եք վստահ լինել, որ այն տալիս է անսահման հնարավորություններ: Շատ պայծառ, հարուստ համ և անզուգական բույր ունեցող այս ուտեստը կգրավի ձեզ և ձեր հյուրերին առաջին իսկ փորձից:
Լցոնած լավաշ. Անհրաժեշտ բաղադրիչները
- Հայկական բարակ լավաշ 1 հատ
- Երշիկեղեն կամ մսամթերք ձեր ընտրությամբ
- Կոշտ պանիր
- Լոլիկ
- Քաղցր պղպեղ
- Ցանկացած կանաչի` ձեր ճաշակով
- Թթվասեր կամ մայոնեզ
- Տոմատի մածուկ
- Համեմունքներ
Լցոնած լավաշ. Պատրաստման եղանակը
- Փռել լավաշը սեղանին, վրան քսել մայոնեզի և տոմատի սոուսի խառնուրդը, եթե մայոնեզ չեք սիրում, այն կարող եք փոխարինել թթվասերով:
- Դրա վրա շաղ տալ խոշոր քերիչով քերած պանիրը: Միսը կամ երշիկները մանրացնել և տարածել պանրի վրա:
- Լոլիկը կտրել շերտերով և շարել դրա վրա, լոլիկի վրա լցնել մանր կտրատած բուլղարական պղպեղը:
- Այս ամբողջի վրա շաղ տալ մանր կտրատած կանաչիներ, կարող եք բացարձակապես ցանկացած կանաչի վերցնել ձեր ճաշակով:
- Աղ, պղպեղ անել և ավելացնել ձեր սիրած համեմունքները, ոլորել լավաշը ռուլետի նման:
- Վերևի մասին քսել մայոնեզ կամ թթվասեր, 15-20 րոպե դնել ջեռոցում և տապակել մինչև խրթխրթան կեղև ստացվի:
Լցոնած լավաշը պատրաստ է: Այն կարելի է ուտել ինչպես տաք, այնպես էլ սառը վիճակում:
Բարի ախորժակ
Տեսանյութ
Լավաշով ռուլետ
