Լցոնած հավի կրծքամիս. Պատրաստման պարզ և հեշտ բաղադրատոմս
Նման ուտեստը կզարդարի ցանկացած սեղան և այն տոնական կդարձնի: Ուտեստը պատրաստելու համար ձեզ հարկավոր են ամենապարզ բաղադրիչները, որոնք կան յուրաքանչյուր տանը: Այս բաղադրատոմսը դուր կգա ամբողջ ընտանիքին, կհամոզվեք, երբ այն պատրաստեք:
Содержание
Լցոնած հավի կրծքամիս. Անհրաժեշտ բաղադրիչներ
- Հավի կրծքամիս 3 հատ
- Մայոնեզ 2 ճաշի գդալ
- Մանանեխ 1 ճաշի գդալ
- Սխտոր 1-2 պճեղ
- Քաղցր պղպեղ
- Շամպինիոն 100-150 գ
- Լոլիկ 1 հատ
- Կանաչիներ
- Պանիր 100 գ
- Ձու 1 հատ
Լցոնած հավի կրծքամիս. Քայլ առ քայլ բաղադրատոմս
- Սկսելու համար յուրաքանչյուր կրծքամսի կտորի մեջ կտրվածքներ անել` գրպանիկի տեսքով:
- Մի ամանի մեջ խառնել մայոնեզը, մանանեխը, թակած սխտորը և ամեն ինչ մանրակրկիտ խառնել, այս խառնուրդով քսել կրծքամիսը:
- Ջեռոցի ձևամանը յուղել բուսական յուղով, կրծքամիսը տեղափոխել մեջ և թող մնա:
- Այդ ընթացքում բուլղարական պղպեղը կտրել խորանարդիկներով, սունկը՝ մանր կտորներով, լոլիկը նույնպես կտրել խորանարդիկներով, կանաչին՝ մանր կտրատել: Այս ամենը լցնել առանձին ամանի մեջ:
- Պանիրը քերել խոշոր քերիչով, մեջը կոտրել ձվերը, ավելացնել աղ ու պղպեղ, խառնել ամեն ինչ:
- Կրծքամսի գրպանները լցնել լցոնով:
- Այժմ ձևամանը դնել 20-25 րոպե 200 աստիճան տաքացրած ջեռոցում:
Լցոնած հավի կրծքամիսը պատրաստ է: Այնքան համեղ է, որ պարզապես հիանում ես, բույրը եփելու ընթացքում այնքան հաճելի է, որ անհնար է սպասել, թե երբ արդեն կարող ես համտեսել գոնե մի կտոր:
Բարի ախորժակ
Տեսանյութ
Հավի կրծքամսով ռուլետ
