Լցոնած պղպեղներ. Դյուրամարս և ախորժելի ուտեստ
Ես այս ուտեստը փորձեցի ընկերուհուս տանը: Պղպեղն ինձ այնքան դուր եկավ, որ գրեթե բոլորը մենակ կերա: Լցոնած պղպեղ պատրաստելու շատ բաղադրատոմսեր կան: Ես դրանք սովորաբար տապակում էի: Բայց այն, ինչ կերա ընկերուհուս տանը՝ գերազանցեց բոլոր պատկերացումներս: Այնպես որ, ես խնդրեցի բաղադրատոմսն ու ինքս փորձեցի պատրաստել: Կիսում եմ ձեզ հետ այս հրաշալի բաղադրատոմսը:
Լցոնած պղպեղներ. Անհրաժեշտ բաղադրիչները
- Քաղցր պղպեղ 14 հատ
- Աղացած հավի միս 500 գր
- Սոխ 2 հատ
- Գազար 1 հատ
- Սխտոր 3 պճեղ
- Տոմատի մածուկ 1 ճաշի գդալ
- Թթվասեր 100 գր
- Աղ և պղպեղ`ըստ ճաշակի
Լցոնած պղպեղներ. Պատրաստման եղանակը
- Լվանալ պղպեղը և մաքրել այն սերմերից և միջնապատերից:
- Պղպեղները լցոնել խճողակով, որի համար պետք է խառնել աղացած հավի միս, կտրատած սոխ և սխտոր, լավ լվացված հնդկաձավար, աղ, պղպեղ:
- Լցոնած պղպեղները դնել ջեռոցի հրակայուն ամանի մեջ:
- Սոուսի համար մանր կտրատած սոխը և գազարը տապակել թավայի մեջ: Դրանից հետո ավելացնել տոմատի մածուկն ու թթվասերը: Ջուր ավելացնել և լավ խառնել, մինչև որ հարթվի: Թող սոուսը եփվի 3 րոպե:
- Ստացված սոուսը լցնել պղպեղի վրա և դնել նախապես տաքացրած ջեռոցում:
- Թխել 180 աստիճանով 40 րոպե:
Բարի ախորժակ
Տեսանյութ
Կարմիր պղպեղ
