Լցոնած պղպեղը սՍտացվում է շատ հյութեղ ու համեղ կերակուր, որն աներևակայելի հեշտ է պատրաստվում: Իրական գտածո է ցանկացած տնային տնտեսուհու համար: Այս ուտեստը կդառնա ձեր ընտանիքի սիրված կերակուրներից մեկը: Անպայման փորձեք:
Լցոնած պղպեղ. Անհրաժեշտ բաղադրիչները
_Բուլղարական պղպեղ 4 հատ
_Հավի կրծքամիս 1 հատ
_Աղ 1/2 թեյի գդալ
_Համեմունքներ մսի համար 1 թեյի գդալ
_Թթվասեր 2 ճաշի գդալ
_Բուսական յուղ 1 ճաշի գդալ
_Ալյուր 1 ճաշի գդալ
_Ջուր 70 մլ
_Պանիր 70 գ
_Լոլիկ 1 հատ
Լցոնած պղպեղ. Ինչպես պատրաստել
_Վերցնել հավի կրծքամիսը և կտրատել այն միջին չափի խորանարդներով: Տապակել թավայի մեջ բուսական յուղի հավելումով, ապա աղ անել, ավելացնել համեմունքներ մսի համար:
_Հետո մի քիչ ալյուր ավելացնել, ապա լցնել թթվասերը, խառնել: Թավայի մեջ ջուր լցնել, եփել այնքան ժամանակ, մինչև խառնուրդը թանձրանա:
_Այժմ պղպեղը մեջտեղից կիսել, սերմերը հանել և դնել ջեռոցի տապակի մեջ:
_Յուրաքանչյուր պղպեղի կտորը լցոնել պատրաստի միջուկով, վրան ցանել քերած պանիր:
_Այժմ պանրի վրա դնել լոլիկի շերտեր, պղպեղներով տապակը 30 րոպեով դնել 200 աստիճան տաքացրած ջեռոց:
Պղպեղը ամենահամեղ բաղադրատոմսով պատրաստ է: Ստացվում է շատ հյութեղ, անուշաբույր և անիրատեսականորեն համեղ պղպեղ: Լցոնը աներևակայելի համեղ է, այն հիանալի կլրացնի պղպեղի համը:
Տեսանյութ
Աղցան լցոնած պղպեղով
