Լցոնած Սմբուկով Աղացած մսով Մակարոն․ Կաննելլոնի

Այսօր կպատրաստենք նոր հետաքրքիր ուտեստ Մակարոն լցոնած սմբուկով, աղացած մսով, մակարոն․ Կաննելլոնի։ Բաղադրատոմսը համեղ է, նոր է, յուրահատուկ համադրություն է սմբուկի, մսի և մակարոնեղենի։ Մեր տանը այն երկար չի մնում սեղանին, տապակը շատ արագ դատարկվում է։

Լցոնած Սմբուկով Աղացած մսով Մակարոն Բաղադրիչներ

Միջուկ սոուս Կաննելլոնի համար

• Սոխ — 2 գլուխ
• Սմբուկ — 1 հատ
• Լոլիկ — 2 հատ
• Աղացած տավարի փափկամիս — 450 գր․

Մակարոն խողովակաձև Կաննելլոնի

• Մակարոն խոշոր խողովականման — 200 գր․
• Սխտոր — 1 ատամ
• Կանաչիների թարմ փունջ
• Հալվող պանիր — 200 գր․
• Համեմունքներ

Լցոնած Սմբուկով Աղացած մսով Մակարոն պատրաստման եղանակ

• Սկսենք միջուկի պատրաստելու գործընթացը
• Մի փոքր պրոֆեսիոնալ խոհարար զգալու համար կօգտագործեմ այս խոհարարների ամենասիրելի դանակը իմ դանակների շարքից
• Սրանով սկսենք մանր կտրատել երկու գլուխ սոխը
• Լցնենք տապակի մեջ, վրան ավելացնենք բուսայուղ

• Պետք է սոխեռած անենք
• Թույլ կրակին դնենք սոխը և ացնենք լոլիկները նախապատրաստելուն
• Մեկ բաժակ եռացրած ջուր է պետք, հաշված վայրկյանների ընթացքում իմ թեյնիկը մեկ բաժակ ջրի համար նախատեսված իր տուրբո ռեժիմով՝ այդ մեկ բաժակը շատ արագ կեռացնի
• Ի դեպ այս թեյնիկի ցուցիչի շնորհիվ ես իմացա, որ մեր ծորակից հոսող ջրի տաքությունը հիմնականում 11-13 աստիճան է լինում
• Եռացած ջուրը լցնենք լոլիկների վրա, որի մեջ մնալով մոտ 5 րոպեից լոլիկները առանց խնդիր կկեղևահանվեն
• Կտրատենք այս երկու լոլիկն էլ սոխի չափ մանր և ավելացնենք սոխեռածի վրա
• Կարելի էր այս ուտեստի հետե Բեշամել սոուս պատրաստել, շատ համապատասխան է մեր կաննելլոնի հետ, բայց այս անգամ իմ ստեղծագործությունն եմ ներկայացնում
• Եթե ցանկանաք Բեշամել սոուս անպայման կպատրաստենք մեր ալիքում
• Աղ և սև պղպեղ լցնենք, ի դեպ պղպեղի խոշորությունը այսպես կարգավորենք, որպեսզի հնարավորինս խոշորահատիկ աղացվի
• 1 թեյի գդալ կծու աջիկայի փոշի եմ ես սիրում ավելացնել այսպիսի լցոնների վրա
• 1 թեյի գդալ անանուխի փոշի ավելացնենք
• Տեղադրենք սխտորճզմիչի գլխիկը և մեկ ատամ սխտոր ճզմենք, խառնենք և մեր ուտեստի լցոնն արդեն դնենք կողքի
• Մեկ խոշոր սմբուկը կտրատենք մանր խորանարդիկների բուսայուղ ավելացնենք և տապակենք
• Մի փոքր կարմրելուն պես մի կողմ տանենք և տապակի մեջ ավելացնենք աղացած տավարի փափկամիս
• Միասին ևս մի 10 րոպե տապակենք

• Աղ և պղպեղ անենք
• Մի փունջ թարմ կանաչիներ հենց այսպես կանաչեղենի կտրատման համար նախատեսված այս հարմարավետ մկրատով կտրատենք մեր լցոնի վրա
• Խառնենք և դնենք կողքի՝ լցոնը պատրաստ է
• Այժմ մեկ այլ կաթսայի մեջ արդեն եռացած ջուր լցնենք
• Աղ լցնենք ջրի մեջ բավարար չափով
• Այս ջրում մի թեթև խաշելու ենք մեր ուտեստի հիմնական բաժինը՝ խոշոր խողովականման մակարոնը
• Ջուրը եռալուն պես կտեղավորենք մակարոնը ջրի մեջ, մեկ երկու րոպե փափկեց վերջ, հանում ենք ջրից
• Դնենք կողքի մի փոքր սառեն, այդ ընթացքում քերիչով կանցկացնենք հալվող պանիր
• Քերիչ ընտրելուց ուշադիր եղեք, որ հիմքում սիլիկոնե տակդիր ունենա, որպեսզի քերելու ընթացքում չսահի և ձեզ չվնասի
• Արդեն կարող ենք հավաքել մեր ուտեստը
• Ջեռոցի համար նախատեսված մեր գեղեցիկ տապակի մեջ լցնենք մի փոքր սոուսից մեր նախապատրաստած
• Արդեն սառած մակարոնները լցոնենք մսային խճողակով
• Շարենք շերտով տապակի մեջ և վրան լցնենք սոուսի մնացած մասը
• Վրան շաղ տանք մեր հալվող պանիրը
• Պետք է վերջնական եփենք ջեռոցում,կարելի է միացնել վերև-ներքև պարզ ռեժիմը, բայց եթե ինձ նման խրխրթան տարբերակ եք նախընտրում և ձեր ջեռոցն էլ ունի կոնվեյերով հարմար ռեժիմ, ուրեմն դա միացրեք
• 150 աստիճանում պետք է եփվի մոտ 10-15 րոպե
• Եփվեցին, ահա ստացվեցին այսպիսի համեղ հյուրասիրություն

• Հուսով եմ առաջիկայում ընթրիքին դուք էլ կպատրաստեք այս ուտեստը և կգրեք ձեր կարծիքը, դա ինձ համար շատ կարևոր է
• Ինչպես նաև ձեր լայքերն ու ակտիվությունը, թե յութուբյան ալիքում, թե ինստագրամում և թե ֆեյսբուքում, ես ձեզ հետ մեծ սիրով միշտ կիսվում եմ համեղ բաղադրատոմսերով, իսկ ձեզնից միայն մնում է բաժանորդագրվել մեր ալիքին և լայքեր դնել

Դե ինչ բարի ախորժակ։

Լցոնած Սմբուկով Աղացած մսով Մակարոն․ Կաննելլոնի Տեսանյութ