Լցոնած փքաբլիթներ. Ստացվում են անիրատեսականորեն փափուկ և քնքուշ

Լցոնած փքաբլիթներ. Նման հրաշք կարկանդակներ, հավանաբար, դեռ չեք փորձել:

Դրանք լցոնելու շատ հետաքրքիր և յուրօրինակ համադրություն ենք առաջարկում: Դուք կարող եք փոփոխել բաղադրիչները, ըստ ձեր նախընտրությունների: Ստացվում է խենթորեն համեղ ուտեստ:

Լցոնած փքաբլիթներ. Անհրաժեշտ բաղադրիչներ

_Ալյուր 300 գ

_Չոր խմորիչ 10 գ

_Շաքար

_Աղ

_Ձու

_Բուսական յուղ 20 մլ

_Տաք կաթ՝ մոտ 200 մլ

_Բուսական յուղ տապակման համար

_Սոխ

_Կես կարմիր պղպեղ

_Թունոս ձկնամիս 100 գ

_Եգիպտացորեն 100 գ

_Մաղադանոս

_Աղ և պղպեղ

_Պանիր 100 գ

_Չինական վերմիշել 150 գ

_Մայոնեզ

Լցոնած փքաբլիթներ. Պատրաստման եղանակը

_Մաղով անցկացրած ալյուրը լցնել խորը ամանի մեջ, կենտրոնում փոս անել, մեջը խմորիչը լցնել, տաք կաթն ավելացնել: Լցնել շաքարավազը և բուսական յուղը:

_Դրանից հետո ավելացնել հարած ձվերը, և խմորը հունցել ձեռքերով, անհրաժեշտության դեպքում էլի կաթ ավելացնել: Հունցել փափուկ, առաձգական խմոր, թողնել այն սննդային թաղանթով ծածկված՝ հասունանալու համար:

_Այդ ընթացքում զբաղվենք լցոնմամբ, դրա համար մանր կտրատել սոխը, բուլղարական պղպեղը: Դրանք լցնել բուսայուղով թավայի մեջ և տապակել: Աղ ու պղպեղ անել` ըստ ճաշակի:

_Եփել չինական վերմիշելը, աղ և պղպեղ անել: Քամելուց հետո վրան լցնել տապակած բանջարեղենը, ավելացնել թունոսի մանր կտորները, լցնել եգիպտացորեն, մանր կտրատած կանաչիները և մանրակրկիտ խառնել ամեն ինչ:

_Խմորը հարմարության համար բաժանել 2 մասի, այնուհետև յուրաքանչյուր մասը գրտնակել շրջանի տեսքով, և յուրաքանչյուրը կտրստել հավասար հատվածների, եռանկյունների տեսքով:

_Եռանկյունիները տապակել մեծ քանակությամբ բուսական յուղի մեջ, մինչ ոսկե դարչնագույնը: Դրանից հետո յուրաքանչյուր բլիթի մեջ կտրվածքներ անում և դրանք լցնել միջուկով: Վրան ավելացնել քերած պանիր:

Լցոնած փքաբլիթները պատրաստ են: Իսկական նրբություն, պարզապես մատները հետը կուտեք, այնքան համեղ են:

Տեսանյութ

Փքուն ալադիներ