Խխունջաձև տոլմա. Չինացի խոհարարի գեղեցիկ մոտեցումը

Կաղամբով Խխունջաձև տոլման տավարի աղացած մսով լոլիկի-բանջարեղենային սոուսով այնքան համեղ ու ախորժելի է, որ անպայման հաճախ կպատրաստեք։

Խխունջաձև տոլմա. Անհրաժեշտ բաղադրիչները

_Կաղամբ 1 գլուխ

_Տավարի աղացած միս 600 գր

_Բրինձ 150 գր

_Սոխ 250 գր

_Կանաչի՝ ըստ ճաշակի

_Աղ, պղպեղ, համեմունքներ՝ ըստ ճաշակի

Տապակելու համար

_Սոխ 250 գր

_Գազար 250 գր

_Սխտոր 3 պճեղ

_Տոմատի մածուկ 2 ճաշի գդալ

_Բուսական յուղ 2 ճաշի գդալ

_Աղ, համեմունքներ, պղպեղ՝ ըստ ճաշակի

Սոուսը պատրաստելու համար

_Տոմատի մածուկ 2 ճաշի գդալ

_Բուսական յուղ 40 մլ

_Շաքարավազ 1,5 ճաշի գդալ

_Ջուր 250 — 300 մլ

_Աղ, պղպեղ, համեմունքներ՝ ըստ ճաշակի

Խխունջաձև տոլմա. Պատրաստման եղանակը

_Եփել բրինձը մինչև կիսաեփ լինի, թողնել սառչի և խառնել աղացած մսի, կանաչիների, մանր կտրատած սոխի, համեմունքների, աղի, անուշաբույր կանաչիների հետ։

_Կաղամբի գլուխը կտրել, տերևները առանձնացնել ցողունից ու դնել եռացող ջրի մեջ: Փափկելուն պես՝ տերևները աստիճանաբար հանել ջրից։

_Երկարությամբ փաթաթել ու ոլորել տոլմաները:

_Սոխն ու գազարը շոգեխաշել բուսայուղի մեջ, ըստ ճաշակի կարելի է ավելացնել քաղցր պղպեղ։

_Ավելացնել տոմատի մածուկը, սխտորը, կանաչիները:

_Բանջարեղենը լցնել ջեռոցի ամանի մեջ, վրան դնել կաղամբով խխունջի տեսքով փաթաթված տոլմաները։

_Տոմատի մածուկը բուսայուղի մեջ լուծել տապակի մեջ, լցնել ջուրը, ավելացնել սոուսի բոլոր բաղադրիչները, եռացնել և լցնել կաղամբով տոլմայի վրա։

_Տապակը փակել փայլաթիթեղով։

_Թխել 180 աստիճանով մոտ 25 րոպե։

_Հեռացնել փայլաթիթեղը և թխել ևս 20 րոպե:

Այսպիսի բուրավետ և նուրբ ուտեստը կարող եք մատուցել կարտոֆիլի պյուրեի, տարբեր աղցանների և խորտիկների հետ։

Բարի ախորժակ:

Տեսանյութ

Կաղամբով տոլմա