Բարակ և սովորական խմորը կարող է դառնալ օրիգինալ ուտեստ, օրինակ խմորով տոլմա, ախորժելի և համեղ ճաշ կամ ընթրիք։
Իսկ եթե ավելացնեք նաև առատ, համեղ մսային միջուկ, ապա ընդհանուր առմամբ այն գերազանց է ստացվում։
Խմորով տոլմա. Անհրաժեշտ բաղադրիչները
_Ալյուր 400 գր
_Ջուր 200 գր
_Բուսական յուղ 2 ճաշի գդալ
_Աղ՝ ըստ ճաշակի
Միջուկը պատրաստելու համար
_Աղացած միս 500 գր
_Հնդկաձավար 80 գր
_Եռման ջուր 150 մլ
_Սոխ 1 հատ
_Աղ, պղպեղ, համեմունքներ, կանաչիներ՝ ըստ ճաշակի
_Սոխ 2 հատ
_Գազար 2 հատ
_Լոլիկ 1 հատ
_Տոմատի մածուկ 1 ճաշի գդալ
_Աղ՝ ըստ ճաշակի
Խմորով տոլմա. Պատրաստման եղանակը
_Ալյուրը մաղել և խառնել աղի հետ, լցնել ջրի մեջ, հունցել խմորը։
_Լցնել բուսայուղը և հունցել ոչ կպչուն, փափուկ խմոր։ Ծածկել և թողնել 10 րոպե։
_Հնդկաձավարը 20 րոպե շոգեխաշել եռման ջրով։
_Սոխը մանր կտրատել և խառնել աղացած մսի ու կանաչիների, աղի, պղպեղի և տարբեր համեմունքների հետ։
_Աղացած միսը խառնել հնդկաձավարի հետ, ավելացնել համեմունքներ և հունցել մինչև հարթվի։
_Խմորի բարակ շերտը գրտնակել և քսել բուսայուղով։
_Շերտը ձեռքերով ձգել, որ էլ ավելի բարակ դառնա։
_Կտրել 15 սմ կողմերով քառակուսիներ։
_Յուրաքանչյուրի վրա դնել միջուկը և փաթաթել խողովակաձև, եզրից՝ ներս փաթաթելով։
_Տապակել սոխն ու գազարը մինչև կիսաեփ վիճակ, ավելացնել տոմատի մածուկը և կտրատած լոլիկը՝ ըստ ցանկության, աղ և եփել մի քանի րոպե։
_Գլանակները վրան շարել, յուրաքանչյուր շերտը ցողել բուսայուղով, որպեսզի իրար չկպչեն։
_Մինչև «տոլմաների» կեսը լցնել եռման ջրով, 35 րոպե եփել կափարիչով ծածկված՝ թույլ կրակի վրա։
Հյութալի և անուշաբույր ուտեստը մատուցեք թթվասերով, վրան ցանելով կանաչիներ։ Ցանկության դեպքում կարելի է նաև քերած պանիր ավելացնել։
Բարի ախորժակ:
