Խոզի կողիկներ. Հյութեղ, նրբահամ կերակուր ամբողջ ընտանիքի համար

Առաջարկում ենք հեշտությամբ պատրաստել խոզի կողիկներ աներևակայելի համեղ ընթրիքի համար:

Խոզի կողերը կարելի է պատրաստել տարբեր եղանակներով: Ես ուզում եմ ձեզ հետ կիսվել յուրօրինակ, հետաքրքիր բաղադրատոմսով, որով պատրաստելու ենք փափուկ և հյութալի խորտիկի կողիկներ:

Խոզի կողիկներ. Անհրաժեշտ բաղադրիչները

_Խոզի կողիկներ 1 կգ

_Տոմատի մածուկ 2 ճաշի գդալ

_Սոյայի սոուս 3 ճաշի գդալ

_Աղ, պղպեղ, համեմ, սխտոր՝ ըստ ճաշակի

_Բուսական յուղ 2 ճաշի գդալ

_Կիտրոնի հյութ 1 ճաշի գդալ

_Մեղր 2 ճաշի գդալ

_Կարտոֆիլ 4 խոշոր

_Սոխ 1 հատ

_Քնջութ 50 գր

_Սխտորի փոշի 1 ճաշի գդալ

_Մեղր 1 ճաշի գդալ

Խոզի կողիկներ. Պատրաստման եղանակը

_Լվանալ կողիկները և չորացնել թղթե սրբիչներով:

_Տոմատի մածուկը խառնել սոյայի սոուսի, ճզմած սխտորի բոլոր համեմունքների, մեղրի հետ: Այս ամենի վրա քամել կիտրոնի հյութը և խառնել սոուսը, մինչև համասեռ դառնա

_Լցնել կողիկները սոուսի վրա և լավ խառնել, որպեսզի միսն ամբողջությամբ ծածկված լինի զանգվածով:

_Ծածկել տարան և թողնել մարինացվի 1 — 2 ժամ:

_Կարտոֆիլը եփել կեղևով:

_Խառնել մեղրը սոյայի սոուսի, քնջութի սերմերի, սխտորի փոշու և համեմունքների հետ:

_Կտրել սոխը բարակ կիսաօղակներով և տապակել կարագի մեջ:

_Կարտոֆիլը կտրատել շերտերով և ավելացնել սոխին, տապակել:

_Ծածկել ձևամանը յուղաթղթով և դնել կողերը, վրան լցնել մնացած սոուսը:

_Ծածկել փայլաթիթեղով և եփել 200 աստիճանով՝ մոտ 20-30 րոպե:

Մատուցել կողիկները կարտոֆիլով և աղցաններով թարմ կամ թթու բանջարեղենով: Այսպիսի ընթրիքը ստացվում է շատ շքեղ, բույրը տարածվում է ողջ խոհանոցում, սա հաճախ պատրաստում եմ հյուրերի սպասելիս կամ պիկնիկների համար:

Բարի ախորժակ:

Տեսանյութ

Լանգետ Տավարի մսով