Խոզի միսը իտալական ձևով. Պատրաստենք պորկետա և համի զվարճանք պարգևենք մեզ
Իտալական պորկետան ամենանուրբ և համեղ ուտեստներից է: Սա ոչ թե միայն տապակած միս է, այլև արվեստի մի ամբողջ գործ: Ես սիրում եմ նման ճաշատեսակ պատրաստել տոնական սեղանի համար դա միշտ էլ շատ հարմար տարբերակ է և համեղ և գեղեցիկ համադամ ուտեստ պատրաստելու որևէ հիշարժան առիթի կամ տոնի համար:
Խոզի միսը իտալական ձևով. Բաղադրությունը
- Խոզի թիակի միս 1–1,5 կգ
- Ձիթապտղի յուղ` ըստ ճաշակի
- Աղը համտեսել
- Սև պղպեղ (աղացած) համտեսել
- Շալֆեյ (եղեսպակ) 2 ճաշի գդալ
- Խնկունի (ռոզմարին) 2 ճաշի գդալ
- Նարնջի կեղևի քերուկ 3 ճաշի գդալ
- Սխտոր 6 պճեղ
- Սամիթի սերմեր 2 ճաշի գդալ
Խոզի միսը իտալական ձևով. Քայլ առ քայլ բաղադրատոմս
- Լվացեք և չորացրեք միսը թղթի սրբիչով:
- Կատարեք մեկ խորը կտրվածք` թողնելով եզրից մի քանի սանտիմետր: Բացեք կտրված մասով: Սեղանին զուգահեռ խորը կտրվածք արեք:
- Մեզ պետք է միսը գրքի պես բացենք:
- Մսի վրա քսեք յուղը, վրան ցանել աղ, պղպեղ, շաղ տալ եղեսպակ, խնկունի, նարնջի կեղև և անպայման ճզմած սխտոր:
- Պետք է ամուր փաթաթել, ավելի լավ է միսը կապել խոհարարական թելերով և դնել առնվազն 4 ժամ սառնարանում:
- Տեղադրեք պորկետան յուղված տապակի վրա: Տապակել առաջին 20 րոպեն 230 աստիճանով, ապա իջեցնել ջերմաստիճանը 20-ի և թողնել ևս մեկ ժամ:
Խոզի միսը իտալական ձևով պատրաստ է, պատրաստման ընթացքում տարածվող բույրը պարզապես առասպելական է:
Բարի ախորժակ: