Խոզի միսը ջեռոցում պատրաստելով դուք կարող եք մի կրակոցով երկու նապաստակ որսալ: Այս ուտեստը կարող եք մատուցել որպես տաք կերակուր տոնական սեղանի համար, կամ կտրատել ու բարակ շերտերով դնելով հացի վրա, հրամցնել որպես սենդվիչ նախաճաշի համար:
Մեր առաջարկած բաղադրատոմսով պատրաստվող Խոզապուխտը շատ փափուկ և քնքուշ է ստացվում:
Խոզի միսը ջեռոցում. Հարկավոր են հետևյալ բաղադրիչները
— միս (խոզի պարանոց), 2 կգ
— սոյայի սոուս 100 մլ
— համեմունք կորեական գազարի համար 1 տուփ
— ջուր 100 մլ
— կես կիտրոնի հյութ
— աղ 0,5 թեյի գդալ
Խոզի միսը ջեռոցում. Պատրաստման եղանակը
_ Խառնել մարինադի բոլոր բաղադրիչները։
_ Լվանալ և չորացնել միսը:
_ Միսը դնել տոպրակի մեջ, լցնել սոուսը, կապել և մսով տոպրակը նորից դնում մեկ այլ տոպրակի մեջ։
_ Մեկ օրով դնել սառնարանը ու այս ընթացքում մի քանի անգամ շրջել տոպրակը, որպեսզի մարինադը բոլոր կողմերից լավ թրջի միսը։
_ Միսը հանել, թելով փաթաթել, ինչպես ծխահարելիս է պետք կապել: Մի փոքր ձգել թելը։
_ Մի քանի շերտով կիպ փաթաթել փայլաթիթեղի մեջ, դնել ջեռոցի տապակի վրա։
_ Ջեռոցը տաքացնել 180 աստիճանով և թխել 2,30 ժամ։
_ Յուրաքանչյուր 1 կգ մսի թխվելու համար պահանջվում է 1,15 ժամ, հաշվարկեք ժամանակը այս տվյալների հիման վրա։
_ Թողեք փայլաթիթեղի մեջ սառչի և 6 ժամով թողեք փայլաթիթեղի մեջ մնա սառնարանում։
Որպեսզի միսը չծածկվի յուղի շերտով, փայլաթիթեղի վրա անցք բացեք և ջեռոցից հանելուց հետո արգանակը քամեք։
Բարի ախորժակ:
Տեսանյութ
Խոզի միս ջեռոցում