Տապակած խոզի միսը սալորաչրով և խնձորով ստացվում է շատ նուրբ և անուշաբույր, մի փոքր թթվայնությամբ։
Ճաշատեսակը պատրաստվում է շատ արագ՝ բառացիորեն կես ժամ։ Ուտեստը կատարյալ է տոնական սեղանի կամ մեծ կիրակնօրյա ճաշի համար:
Տապակած խոզի միսը սալորաչրով. Անհրաժեշտ բաղադրիչները
_Եփած-ապխտած կրծքի միսը կաշվով հանդերձ 2 կգ
_Սալորաչիր առանց կորիզների 450 գր
_Շաքարավազ 1 ճաշի գդալ
_1 կիտրոնի հյութ
_Խնձոր 4 հատ
_Ռոմ՝ ըստ ճաշակի
_Դարչին 1 ձողիկ
Տապակած խոզի միսը սալորաչրով. Պատրաստման եղանակը
_Մսի կտորի կաշին փախլավաձև կտրատել 1 սմ խորությամբ։
_Կաթսայի հատակին մի քիչ ջուր լցնել, ապա միսը՝ կաշին ներքև դնել մեջը և եփել 15 րոպե։
_Խնձորները կտրատել չորս մասի, միջուկը մաքրել և կտրատել շերտերով:
_Շրջել միսը, ցանել շաքարավազ (կամ քսել մեղր), շուրջը դնել խնձորի կտորները, սալորաչիրը և դարչինի ձողիկը:
_Պտուղների վրա ցողել կիտրոնի հյութ և ռոմ:
_Թխել միսը նախապես 230C տաքացրած ջեռոցում, մինչև կեղևը դառնա խրթխրթան՝ մոտ 10 րոպե։
Պատրաստի միսը և մրգերը դնել մատուցման ամանի վրա, մատուցել կարտոֆիլով և շոգեխաշած կարմիր կաղամբով։
Բարի ախորժակ:
Տեսանյութ
Հավի կրծքամսով տապակա
