Խոզի միս Կոկա-կոլայով. Միսն այնքան նուրբ է, որ անգամ քմահաճ խոհարարը կհավանի ձեր պատրաստածը:
Ջեռոցում տապակվող մսի համար հնարավոր մեծ քանակությամբ մարինադների շարքում կա շատ անսովոր մեկը`Կոկա-կոլայով: Նա մեզ է հասել Լատինական Ամերիկայի երկրներից (ենթադրաբար գինին շատ թանկ է օգտագործման համար): Իսկ հետո գաղափարը արմատավորվեց նաև ասիական երկրներում: Դիմավորեք. Չքնաղահամ խոզի միս կոլայով:
Համը շատ հարուստ է, մսի կտորը ծածկված է ախորժելի կեղևով: Եվ եթե հյուրերին չասեք հիմնական բաղադրիչի մասին, ոչ ոք չի էլ կարող գուշակել, թե ինչ է իրականում օգտագործվել: Այս բաղադրատոմսը խնայում է շատ ժամանակ և նյարդեր, որոնք սովորաբար ծախսվում են միս պատրաստելու վրա:
Խոզի միս Կոկա-կոլայով. Անհրաժեշտ բաղադրիչները
- Խոզի միս 3 կգ
- Բուրավետ պղպեղ 1 ճաշի գդալ
- Սխտոր 1 հատ
- Սոխ 1 հատ
- Դարչին 1 հատ
- Մեխակ 4 հատ
- Բադյան 1 հատ
- Նարնջի ջեմ 3 ճաշի գդալ
- Կոկա-կոլա 2 լ
- Կիտրոն 1 հատ
- Աղ` ըստ ճաշակի
- Սև պղպեղ (աղացած)` ըստ ճաշակի
Խոզի միս Կոկա-կոլայով. Պատրաստման եղանակը
- Խոզի մի կտոր (նախընտրելի է կաշին վրան) սրբիչով չորացնել և խորը կտրվածքներ անել մի կողմից: Ցանկալի է զուգահեռ կամ խաչաձև: Տրորել աղով և համեմունքներով:
- Մեխակները շարել կտրվածքների մեջ, հատած մասը շրջել ներքև և այնտեղ դնել սխտորի գլուխը կիսով չափ կտրած և նույն կերպ՝ սոխը (մաքրած):
- Կոկա-կոլային խառնել կիտրոնի հյութ, ջեմ, մեկ կիտրոնի կեղևի քերուկ և լցնել այս խառնուրդը մսի վրա: Ծածկել և թող մարինացվի սառնարանում 2 ժամ: Դրանից հետո ևս մեկ ժամ թող մնա մարինացվելու սենյակային ջերմաստիճանում:
- Միս դնել կափարիչով կամ փայլաթիթեղով ծածկված՝ 200 աստիճան տաքացրած ջեռոցում և եփել 30 րոպե: Ապա իջեցրեք ջերմաստիճանը մինչև 150 և թխել ևս 2 ժամ:
- Դրանից հետո հեռացնել փայլաթիթեղը կամ կափարիչը և տապակել ևս մեկ ժամ: Վերջում հեղուկը քամել, բարձրացնել ջերմաստիճանը 200 և եփել ևս 30 րոպե մինչև խրթխրթան կեղև ստացվի:
Կիտրոնի քերուկն ու մեխակը ուտեստին տալիս են պայծառ ու հիշվող համ: Իսկ սոխն ու սխտորը իրենց կայուն դերն ունեն նուրբ համերի հաղորդման առումով:
Ստացվում են գեղեցիկ և շատ նուրբ կտորներ, որոնք կարելի է մատուցել ինչպես տաք, այնպես էլ սառը վիճակում:
Բարի ախորժակ
Տեսանյութ
Խոզի միսը ջեռոցում
