Եթե դուք սիրում եք խոզի միս այնքան, որքան ես, ապա անպայման փորձեք մյունխենյան եղանակով թխված խոզի սրունքը:
Կերակուրն օրիգինալ է ստացվում, բայց պատրաստվում է սովորական մթերքներից։ Ավանդական, շատ հագեցնող և աներևակայելի համեղ միսը կատարյալ է տոնական կամ կիրակնօրյա ընթրիքի համար:
Խոզի միս բավարական եղանակով. Անհրաժեշտ բաղադրիչներ
_Խոզի սրունք 2կգ
_Գարեջուր 1լ
_Սոխ 2 հատ
_Գազար 1 հատ
_Մաղադանոս ըստ ճաշակի
_Սխտոր 5 պճեղ
_Նեխուրի ցողուն 2 հատ
_Պղպեղի հատիկներ՝ ըստ ճաշակի
_Աղ՝ ըստ ճաշակի
_Մեղր 1 ճաշի գդալ
_Մանանեխ 1 ճաշի գդալ
Հավելում
_Թթու կաղամբ 1 կգ
_Խնձոր 1 հատ
_Սոխ 1 հատ
_Շամպայն կամ սպիտակ գինի100 մլ
_Բուսական յուղ 1 ճաշի գդալ
_Կարագ 2 ճաշի գդալ
Խոզի միս բավարական եղանակով. Պատրաստման եղանակը
_Պատրաստեք ձեզ անհրաժեշտ բոլոր սնունդը։ Բաղադրատոմսի համար կարող եք օգտագործել ինչպես մուգ, այնպես էլ բաց գարեջուր։ Ընտրեք թարմ, բարձրորակ խոզի միս (սրունք)։ Եթե սառեցված եք գնել, ապա նախապես հալեցրեք այն՝ դնելով սառնարանի ստորին դարակին։ Պատրաստի միսը լավ լվանալ և դնել մեծ կաթսայի մեջ։
_Մսի վրա լցնել գարեջուր։ Ավելացրեք սառը ջուր, այնքան, որ ամբողջությամբ ծածկի սրունքը։
_Մաքրել գազարը, սխտորը և սոխը: Բոլոր բանջարեղենները, մաղադանոսը և նեխուրի ցողունները լավ լվանալ: Կտրել ամեն ինչ մեծ կտորներով և լցնել սրունքի վրա: Ավելացնել պղպեղի հատիկները։
_Կաթսան ուժեղ կրակի վրա դնել։ Եփվելիս թանձր քափ է առաջանում։ Հեռացրեք այն և համեմեք աղով՝ ըստ ճաշակի։
_Կրակը թուլացնել, խոզի միսը եփել մոտ երկու ժամ, մարմանդ կրակի վրա։ Ջուրը չպետք է շատ ուժգին եռա, սա կարևոր է:
_Մինչ սրունքը եփվում է, զբաղվեք կաղամբով: Կաղամբը ողողում ենք մաքուր սառը ջրով, քամում։
_Խնձորներն անցկացնել խոշոր քերիչով (ըստ ցանկության, նախապես խնձորների կեղևը հեռացնել)։ Մաքրել սոխն ու սխտորը։
_Բարձր կողմերով տապակի մեջ հալեցնում ենք կարագը և ավելացնել մեկ ճաշի գդալ բուսական յուղ։ Տապակել սոխը, մինչև փափկի։
_Կաղամբը, խնձորն ու մանր քերիչով քերած սխտորը լցնել թավայի մեջ։ Լցնել շամպայն կամ սպիտակ գինի։ Ամեն ինչ լավ խառնել և եփել փակ կափարիչի տակ միջին ջերմության վրա, մինչև կաղամբը փափկի: Վերջում բացեք կափարիչը և թող գոլորշիանա ավելորդ հեղուկը։
_Եթե խնձորը և կաղամբը չափազանց թթու են, ապա ավելացրեք մի պտղունց շաքար։
_Հանել և դնել խաշած սրունքը սկուտեղի կամ հարթ ափսեի վրա:
_Խորը փոքր տարայի մեջ խառնել 50 մլ գարեջրի արգանակ, 1 ճաշի գդալ մեղր, 1 ճաշի գդալ մանանեխ և մի պտղունց աղ։ Ստացված մարինադը քսել խոզի ոտքերին՝ բոլոր կողմերից։
_Կաղամբը հավասար շերտով լցնել ջեռոցի ամանի վրա, իսկ սրունքը դնել վրան։
_Դնել 200 աստիճան տաքացրած ջեռոցում՝ 20-40 րոպե։ Թխելու ժամանակը և ջերմաստիճանը կախված կլինեն ձեր ջեռոցի հնարավորություններից: Եթե առաջին անգամ եք սրունք պատրաստում, ապա ջեռոցից հեռու մի գնացեք և պարբերաբար նայեք, որ հանկարծ միսը չայրվի։
_Երբ խոզի ոտքերն ունենան խրթխրթան կեղև՝ ուտեստը պատրաստ է:
Խորհուրդ.
Կաղամբի պատրաստման ժամանակը կախված է նրանից, թե որքան թթու է այն: Եթե բավարար փափուկ է, ապա պետք կլինի մոտ 30 րոպե շոգեխաշել, իսկ եթե խրթխրթան է և պինդ, ապա թող եփվի ավելի երկար (մեկ ժամ և ավելի):
Միսը դանակով ծակում ենք. եթե դանակը հեշտությամբ ներս է մտնում ու անգույն հյութ է հոսում, ուրեմն պատրաստ է, եթե հյութը վարդագույն կամ կարմիր է, պետք է շարունակել եփել։
Որպեսզի ջեռոցը տաքանա մինչև ցանկալի ջերմաստիճանը, նախօրոք միացրեք այն (եփելուց 10-20 րոպե առաջ)։
Խոզի միսը բավարական եղանակով պատրաստ է: Մի բաժակ սառը, փրփրուն գարեջուր առաջարկեք բուրավետ մսի հետ:
Բարի ախորժակ
Տեսանյութ
Խոզի միսը ջեռոցում