Խոզի մսով ռուլետները կգնահատեն ինչպես կանայք, այնպես էլ տղամարդիկ։ Կանայք՝ պատրաստման հեշտության և գեղեցկության համար, իսկ տղամարդիկ՝ գերազանց համի համար։
Հյութալի միսը թաթախված է սնկի բույրով, իսկ ներսում՝ պանրով։ Իսկական հաճույք։
Խոզի մսով ռուլետներ. Անհրաժեշտ բաղադրիչները
_Խոզի միս 0,5 կգ
_Սոխ 1 հատ
_Կարմիր գինի 0,5 ճաշի գդալ
_Պանիր 150 գր
_Տանձ 1-2 հատ
_Աղ / պղպեղ՝ ըստ ճաշակի
_Շամպինիոններ 300 գրամ
Խոզի մսով ռուլետներ. Պատրաստման եղանակը
_Նախ պատրաստել միսը, լվանալ, չորացնել, կտրատել երկարավուն կտորներով։
_Թակել մուրճով, համեմել աղով, պղպեղով։
_Սոխը կտրատել կիսաօղակներով: Սունկը և սոխը մանր կտրատել։
_Պանիրը կտրատել փոքր շերտերով։
_Տապակել սոխն ու սունկը։
_Այնուհետև մի փոքր թողնել սառչի, խառնել կտրատած տանձի հետ։
_Մսի յուրաքանչյուր կտորի մեջ դնել միջուկը, մի կտոր պանիր։
_Փաթաթել ռուլետաձև, կապել խոհարարական թելով, կարելի է ատամի չոփիկով ամրացնել։
_Ջեռոցի տապակին յուղ քսել և շարել ռուլետները։
_Ջեռոցը տաքացնել 180°C և թխել 10 րոպե։
_Այնուհետև յուրաքանչյուր կտորի վրա գինի լցնել և ևս 15-20 րոպե ուղարկել ջեռոց:
Տոնական սեղանին կարելի է մատուցել խոզի ռուլետներ, իսկ ընթրիքին ուղղակի պատրաստել՝ արագ և շատ համեղ:
Բարի ախորժակ:
