Փափուկ և եթերային խմորով Խորիզով կարկանդակը հիանալի համադրվում է մրգային միջուկի հետ։ Կարկանդակն այնքան թեթև ու փափուկ է, որ շատ շքեղ թխվածքի տեսք ունի։
Կարելի է զարդարել ըստ ճաշակի՝ կրեմով կամ պարզապես շաքարի փոշիով։
Խորիզով կարկանդակ. Անհրաժեշտ բաղադրիչները
_Ձու 2 հատ
_Շաքարավազ 100 գր
_Վանիլին՝ ըստ ճաշակի
_Մի պտղունց աղ
_Բուսական յուղ 100 մլ
_Մածուն կամ թթվասեր 100 գր
_Ալյուր 250 գր
_Փխրեցուցիչ 12 գր
Լցոնի համար
_Պահածոյացված դեղձ, հատապտուղ կամ այլ մրգեր՝ ըստ ճաշակի
Խորիզի համար
_Շաքարավազ 50 գր
_Ալյուր 50 գր
_Կարագ 40 գր
Խորիզով կարկանդակ. Պատրաստման եղանակը
_Ձվերը հարիչով հարել աղի և շաքարավազի, վանիլինի հետ։
_Լցնել բուսայուղը և մածունը, հարել մինչև հարթվի։
_Ալյուրը մաղել փխրեցուցիչի հետ միասին և լցնել զանգվածի մեջ։
_Միասեռ և հարթ խմոր հունցել։
_Ձևամանը ծածկել յուղաթղթով և լցնել խմորը։
_Նախընտրած մրգերը կտրատել շատ փոքր շերտերով:
_Տարածել կարկանդակի վրա՝ մի փոքր սեղմելով խմորի մեջ։
_Խորիզի համար ալյուրը, շաքարավազն ու կարագը խառնել ու մանրացնել փշրանքների:
_Ստացված խորիզը կարկանդակի վրա ցանել։
_Թխել 180 աստիճանով մոտ 35 րոպե։
_10 րոպե թողնել սառչի ձևամանի մեջ, հանել և հեռացնել յուղաթուղթը, թողնել ամբողջովին սառչի և ցանել շաքարի փոշի։
Կարկանդակը շատ եթերային է, փափուկ, հաճելի և նուրբ մրգային համով։
Բարի ախորժակ:
Տաեսանյութ
Գառնու գաթա