Այս բաղադրատոմսով խոզի Խորոված միսը երկար ժամանակ շոգեխաշվում է մարմանդ կրակով և այնքան է փափկում, որ բաժանվում է մանրաթելերի: Ճաշատեսակը հատկապես հայտնի է Ամերիկայում՝ որպես բուրգերների միջուկ:
Այս միսը բառացիորեն հալվում է ձեր բերանում: Սրա պատրաստման բազում բաղադրատոմսեր կան, և ես այսօր դրանցից մեկը կկիսեմ ձեզ հետ: Քնքուշ և հյութալի խոզի միսը ֆենոմենալ կերակուր է, որը, անկասկած, հաճելի կլինի ձեր ընտանիքին:
Մսի յուրահատուկ ծխացող-քաղցր բույրը զարմանալիորեն զուգորդվում է մանանեխի կծու քսուքի հետ: Դանդաղ պատրաստելու արդյունքում խոզի միսը փլվում է բառացիորեն՝ պահպանելով հյութեղությունն ու արտասովոր քնքուշ հյուսվածքը: Քանի որ բաղադրատոմսով միսը նաև խորովում են, խորհուրդ եմ տալիս փորձարկումներ անել փայտի տեսակների հետ:
Խորոված միս. Անհրաժեշտ բաղադրիչները
_Խոզի կրծքամիս 2.5 կգ
_Մանանեխ 0.25 բաժակ
_Աղ 1 ճաշի գդալ
_Սև պղպեղ (աղացած) 1 թեյի գդալ
_Սխտորի փոշի 1 թեյի գդալ
_Պապրիկա 1 թեյի գդալ
_Ջուր 0,5 բաժակ
_Խնձորի քացախ 0,5 բաժակ
Խորոված միս. Պատրաստման եղանակը
_Տաքացնել գրիլը 110 աստիճանով: Սուր դանակով մսի ճարպային շերտի վրա խորը կտրվածքներ անել ցանցի տեսքով:
_Փոքր ամանի մեջ խառնել աղը, պղպեղը, սխտորի փոշին և պապրիկան:
_Համեմունքների խառնուրդը շաղ տալ խոզի մսի վրա և տրորել ափերով, ապա քսել մանանեխը:
_Եփել խոզի միսը 2 ժամ՝ կափարիչով ծածկված գրիլով:
_Խառնել ջուրը և խնձորի քացախը: 2 ժամ անց այս խառնուրդը շաղ տալ խոզի մսի վրա և շարունակել անել ամեն ժամը մեկ, մինչև դրա ներքին ջերմաստիճանը հասնի 70 աստիճանի:
_Դրանից հետո փաթաթեք ամեն ինչ փայլաթիթեղիով և շարունակեք թխել:
_Հետևեք մսի ջերմաստիճանին ջերմաչափով: Երբ խոզի միսը հասնի 95 աստիճանի, հանել այն գրիլից և թողնել մնա 1-ից 2 ժամ՝ կտորներրի բաժանելուց առաջ:
_Խորոված խոզի միսը ստացվում է շատ նրբահամ և լավ է համակցվում տարբեր կողմնակի ուտեստների հետ:
Մատուցեք թարմ հացով, հյութալի կանաչիներով, աղցանով, մակարոնով և պանրով կամ եփված բանջարեղենով:
Խորոված միսը պատրաստ է:
Բարի ախորժակ:
Տեսանյութ
Տնական կոտլետներով չիզբուրգեր
