Հյութեղ Խորոված ջեռոցում պատրաստելու բաղադրատոմսն ինձ խորհուրդ տվեց ընկերս՝ նշելով, որ այս ուտեստը մատուցվում է շատ հայտնի ռեստորանում։
Դե, եթե ռեստորանում մատուցվող շքեղությունը կարելի է տանը պատրաստել, ապա ինչո՞ւ չօգտվել առիթից: Կարծում եմ՝ արժե փորձել։
Խորոված ջեռոցում. Անհրաժեշտ բաղադրիչները
_Խոզի կողիկներ 1200 կգ
_Խնձորի խյուս 100 գր
_Կետչուպ 100 գր
_Սխտորի փոշի 0,5 թեյի գդալ
_Սոյայի սոուս 4 ճ/գդ
_Պապրիկա 0,5 թեյի գդալ
_Պղպեղ 0,5 թեյի գդալ
_Դարչին 0,5 թեյի գդալ
_Շագանակագույն կամ սովորական շաքարավազ 2 ճաշի գդալ
_Կես կիտրոնի հյութ
Խորոված ջեռոցում. Պատրաստման եղանակը
_Նախ պատրաստեք սոուսը, որպեսզի այն լավ թրմվի։
_Խնձորի խյուսը խառնել կետչուպի, շաքարավազի, սոյայի սոուսի, կիտրոնի հյութի հետ։
_Լցնել սխտորի փոշին, պղպեղը, պապրիկան և դարչինը, զանգվածը լավ հարել մինչև հարթ լինի։
Հուշում․ եթե նույնիսկ դարչին չեք սիրում, մի քիչ ավելացրեք, մսի համը մեծապես կախված է դրա բույրից և համից։
_Լվանալ կողոսկրերը և լավ չորացնել թղթե սրբիչներով։
_Կողերը լավ ծածկել սոուսով և թողնել մարինացվի առնվազն 30 րոպե։
_Իհարկե, ավելի լավ կլինի, եթե միսը ավելի երկար մարինացվի։
_Մարինադից հանած Կողերը դնել ջեռոցի տապակի վրա, ծածկել փայլաթիթեղով և դնել նախապես 200 աստիճան տաքացրած ջեռոցը։
_Թխել 50 րոպե։
_Հանել տապակը և հեռացնել փայլաթիթեղը, նորից դնել ջեռոց, թողնել ևս 15 րոպե, երբեմն վրան լցնելով թխվելիս տապակի մեջ հայտնված սոուսը և հյութը։
Բարի ախորժակ:
Տեսանյութ
Խորոված հավի կրծքամիս
