Խրթխրթան սոխով խորտիկ. Մատչելի բանջարեղենով պատրաստվող համեղ ու հետաքրքիր նախուտեստ:
Վերցնում ենք կափարիչներ, կտրատում սոխը և պատրաստում իսկական ռեստորանային նախուտեստ: Խորհուրդ եմ տալիս պատրաստել տապակած սոխը խորովածի և ցանկացած մսային ուտեստի համար։
Խրթխրթան սոխով խորտիկ. Անհրաժեշտ բաղադրիչները
_ սոխ 2 հատ
_ սառը ջուր
_ ձու 2 հատ
_ կաթ 100 մլ
_ ալյուր 200 գ
_ աղ, պապրիկա, համեմունքներ ըստ ճաշակի
Խրթխրթան սոխով խորտիկ. Պատրաստման եղանակը
_ Վերցնել խոշոր սոխեր, մաքրել կեղևը։
_ Խնամքով մաքրել արմատի մասը, բայց հիմքը չենք կտրում։
_ Սոխը դնել կափարիչի վրա, սուր դանակով կտրվածքներ ենք անում այնպես, որ ամբողջ սոխը բացվի նմանվելով աստրա ծաղկի, որի թերթիկները 4-5 մմ լինեն:
_ Կափարիչի բարձրությունը թույլ չի տա սոխը մինչև վերջ կտրատել։
_ Այժմ սոխի վրա լցնել սառը ջուր, այնպես որ ծածկի, թողնել 1 ժամ։
_ Ալյուրը լցնել խորը և լայն ամանի մեջ, կաթը լցնել նույնպիսի ամանի մեջ։
_ Սոխը թաթախել ալյուրի մեջ, որպեսզի ալյուրոտվեն թերթիկները, հետո՝ կաթի մեջ և նորից ալյուրի մեջ։ 3 անգամ այսպես թաթախել՝ ուշադիր ցողելով սոխի բոլոր մասերը։
_ Շաղ տալ աղի, պապրիկայի և տարբեր համեմունքների խառնուրդով։
_ Այժմ տաքացնել մեծ քանակությամբ բուսական յուղ և ալրապատ սոխի ծաղիկները իջեցնել յուղի մեջ։
_ Սոխը արագ տապակվում է և երբ ոսկեգույն դառնա, հանում ենք և թողնում, որ ձեթը քամվի։
Ահա այսպիսի պարզ քայլերով կստանաք հետաքրքիր խորտիկ՝ բուրավետ, խրթխրթան, կծու և ամենևին էլ ոչ թանկարժեք:
Բարի ախորժակ: