Համեղ ու օրիգինալ ընթրիքի համար պատրաստեք Ծաղկակաղամբը աղացած մսով: Սա հնարավոր է պատրաստել 1 ժամից էլ քիչ ժամանակում։ Երբ աշխատանքից հոգնած գալիս եք, այնքան էլ չեք ցանկանա երկար ժամանակ անցկացնել խոհանոցում:
Այս կերակուրը նույնպես կարելի է հնարավորինս օգտակար դարձնել։ Դա անելու համար խորհուրդ ենք տալիս սոուսի մեջ միայն մեկ բաղադրիչ փոխարինել: Վերցրեք ոչ թե մայոնեզ, այլ յուղալի թթվասեր։ Կստացվի նաև շատ համեղ և քիչ կալորիականությամբ։
Թոշնած ծաղկաբույլերը պետք չէ դեն նետել, սառեցրեք դրանք, որովհետև հետո ուղղակի կատարյալ են կողմնակի ճաշատեսակ կամ նախուտեստ պատրաստելու համար։
Ծաղկակաղամբը աղացած մսով. Բաղադրիչներ
_ Ծաղկակաղամբ 1 հատ
_ Հավի միս 200 գ
_ Աղ՝ ըստ ճաշակի
_ Սև պղպեղ (աղացած) ըստ ճաշակի
_ Համեմ 0,5 թեյի գդալ
_ Լոլիկ 1 հատ
_ Սամիթ՝ ըստ ճաշակի
_ Մայոնեզ 2 ճաշի գդալ
_ Ֆրանսիական մանանեխ 1 թեյի գդալ
_ Սխտոր 2 պճեղ
_ Արևածաղկի ձեթ՝ ըստ ճաշակի
_ Կոշտ պանիր 60 գ
Ծաղկակաղամբը աղացած մսով. Պատրաստման եղանակը
_ Աղացած հավի մսին ավելացնել աղ, աղացած սև պղպեղ և աղացած համեմ։ Մանրակրկիտ խառնել։
_ Կաղամբը լավ լվանալ։ Չորացնել այն թղթե սրբիչներով, կտրատել 1,5–2 սմ հաստությամբ շերտերով։
_ Շերտերը դնել արևածաղկի ձեթով տաքացրած տապակի վրա։
_ Տապակել 3 րոպե յուրաքանչյուր կողմից մինչև բաց ոսկեգույն դառնալը:
_ Մաքրել սխտորը, ճզմել մամլիչով: Լոլիկը բարակ շրջանակներով կտրատել, սամիթը՝ շատ մանր։
_ Տապակած ծաղկակաղամբը տեղափոխել յուղաթղթով ծածկված ջեռոցի տապակի մեջ։
_ Մի ամանի մեջ խառնել մայոնեզը, մանանեխի սերմերը, կտրատծ սամիթը և սխտորը: Բոլոր բաղադրիչները մանրակրկիտ խառնել։
_ Կաղամբի վրա դնել աղացած մսի զանգված և լոլիկի շերտեր։ Քսեք այս ամենին պատրաստված սոուսը:
_ Կոշտ պանիրը քերել։ Շաղ տալ վերևում։
_ 25-30 րոպեով դնել 180 աստիճան տաքացրած ջեռոց։
Ծաղկակաղամբը ոսկեգույն պանրային գլխարկի տակ պատրաստ է: Կծու սոուսն ու լոլիկը այս ուտեստին տալիս են արտասովոր հյութեղություն՝ դարձնելով այն պարզապես համեղ:
Բարի ախորժակ:
Տեսանյութ
Նոր աղցան բրոկոլիով