Առաջարկում ենք պատրաստել Ծաղկակաղամբը պանրով:
Ծաղկակաղամբը բանջարեղեն է, որից կարելի է շատ համեղ ուտեստներ պատրաստել։ Հատկապես գերազանց է ստացվում տարբեր թաթախումներով։
Ծաղկակաղամբը պանրով. Հարկավոր են հետևյալ բաղադրիչները
— ծաղկակաղամբ 1 կգ
— ձու 3 հատ
— կոշտ պանիր 150 գ
— չորացրած սխտոր 1 թեյի գդալ
— պաքսիմատ 50 գ
— պապրիկա 1 թեյի գդալ
— աղ, պղպեղ՝ ըստ ճաշակի
— բուսական յուղ
Ծաղկակաղամբը պանրով. Պատրաստման եղանակը
_Ջուրը եռացնել և մի քիչ աղ ավելացնել։
_Ծաղկակաղամբը լվանալ, ջուրը թափահարելով քամել ու մանր ծաղկաբույլերի բաժանել։
_Կաղամբը լցնել եռման ջրի մեջ ու երբ ջուրը նորից եռա, եփել 4-5 րոպե։ Ծաղկաբույլերը հանել ու թողնել սառչի։
_Պաքսիմատը խառնել աղի, պղպեղի, պապրիկայի, սխտորի հետ։
_Պանիրը քերել միջին չափի քերիչով ու խառնել պաքսիմատի հետ։
_Ձվերը հարել (մի քիչ էլ աղ ավելացնել)։
_Ջեռոցի տապակը յուղել բուսայուղով կամ ծածկել յուղաթղթով։
_Ծաղկաբույլերը նախ թաթախել ձվի զանգվածի, ապա հացի փշրանքների մեջ և դնել տապակի վրա։
_Ջեռոցը պետք է նախապես տաքացնել 200 աստիճանով և 15 րոպե թխել կաղամբը։
Ճաշատեսակը մատուցում ենք տարբեր սոուսներով, թթվասերով, կանաչիներով: Լավ համադրվում է ձկան, մսի, այլ բանջարեղենի և սնկի հետ։
Բարի ախորժակ:
