Համեղ, դյուրամարս և հեշտ պատրաստվող ծաղկակաղամբով պիրոգը կարող է օրվա լավագույն սկիզբ լինել, կամ թեթև ընթրիք, որը չի ծանրացնի ստամոքսը:
Ծաղկակաղամբով թխվածքը թավայի մեջ կարելի է պատրաստել ոչ միայն որպես նախաճաշ, այլ նաև որպես խորտիկ՝ օրվա ընթացքում, եթե քաղց եք զգում: Բաղադրատոմսը պարունակում է ամենամատչելի բաղադրիչները։
Ծաղկակաղամբով պիրոգ. Անհրաժեշտ բաղադրիչները
_Ծաղկակաղամբ — 150 գ
_Կոշտ պանիր — 50 գ
_Հավի ձու — 3 հատ
_Ցորենի ալյուր — 50 գ
_Մաղադանոս — 15 գ
_Աղ՝ ըստ ճաշակի
_Աղացած սև պղպեղ՝ ըստ ճաշակի
_Բուսական յուղ — 15 մլ
Ծաղկակաղամբով պիրոգ. Պատրաստման եղանակը
Պատրաստեք բոլոր բաղադրիչները։ Ծաղկակաղամբը կարող է լինել թարմ կամ սառեցված: Ընտրեք կոշտ պանիր ըստ ձեր ճաշակի։ Օգտագործեք ցանկացած կանաչի:
_Սկսենք ծաղկակաղամբից։ Լավ լվանալ և առանձնացնել ծաղկաբույլերը։ Պատրաստի ծաղկաբույլերը լցնել եռացող, աղ արած ջրի մեջ։ Բարձր ջերմության վրա եռացրեք և եփեք 2-3 րոպե, որպեսզի կաղամբը փափկի։
_Եփած կաղամբը լցնել քամոցի մեջ և ողողել սառը ջրով, որպեսզի դադարեցվի ջերմային մշակման գործընթացը: Թողեք 10-15 րոպե, որպեսզի ամբողջ հեղուկը քամվի կամ լցրեք թղթե սրբիչի վրա:
_Ձվերը կոտրել խորը ամանի մեջ, լավ հարել:
_Ծաղկաբույլերը մանր կտրատել, ավելացնել ձվի զանգվածին, խառնել։
_Պանիրը քերել, ավելացնել հարած ձվի զանգվածին, խառնել։
_Լցնել մաղած ալյուրը, կրկին խառնել։
_Կանաչիները լավ լվանալ և չորացնել։ Հեռացնել կոշտ ցողունները: Տերևները մանր կտրատել։ Ավելացնել կաղամբի խմորին։
_Համեմել ըստ ճաշակի՝ աղացած սև պղպեղով և աղով։ Կարող են օգտագործվել լրացուցիչ համեմունքներ: Խմորը միջին թանձրության պիտի լինի։
_Պատրաստման համար օգտագործեք չկպչող և փորձված սպասք։ Տապակը (տրամագիծը 18 սմ) դնել չափավոր կրակի վրա, լցնել բուսայուղ և լավ տաքացնել։
_Դնել կաղամբի զանգվածը և հարթեցնել բահիկով։ Կրակը հասցնել նվազագույնի, ծածկել: Եփել 7-8 րոպե մի կողմից։
_Տախտակ կամ հարթ ափսե դնել տապակի վրա և շրջել պիրոգը:
_Այն անմիջապես վերադարձրեք թավայի մեջ մյուս կողմով։ Եփել ևս 4-5 րոպե մարմանդ կրակի վրա։
_Ծաղկակաղամբով բլիթը պատրաստ է։ Կարելի է ուտել ինչպես տաք, այնպես էլ սառը վիճակում։
Ծաղկակաղամբով պիրոգը կատարյալ է առաջին և երկրորդ ճաշատեսակների հետ մատուցելու համար: Համեղ է տարբեր սոուսներով։
Բարի ախորժակ!
