Ծաղկակաղամբով ջեռեփուկ. Դիետիկ ուտեստ առանց ձվի և ալյուրի
Պասի օրերին մենք փնտրում ենք համեղ ուտեստների բաղադրատոմսեր, որոնք պետք է պատրաստվեն առանց անընդունելի մթերքների: Նոր համեղ ուտեստ ենք առաջարկում բուսական սննդի, հատկապես ծաղկակաղամբի սիրահարներին: Ծաղկակաղամբով պանրով ջեռեփուկը ոչ միայն առողջարար է, այլ նաև արագ է պատրաստվում և, իհարկե, համեղ է, հավատացեք:
Բաղադրատոմսը շատ պարզ է, չի պահանջում հատուկ խոհարարական հմտություններ և հատուկ սարքավորում: Ուտեստի կալորիականությունը չափավոր է, քանի որ դրանում խմոր կամ յուղալի սերուցք չկա: Իսկ ջեռեփուկն էլ ավելի դիետիկ դարձնելու համար ադիգե պանիրը փոխարինեք սոյայով տոֆու պանրով:
Ծաղկակաղամբով ջեռեփուկ. Անհրաժեշտ բաղադրիչները
- Ծաղկակաղամբ 1 հատ
- Հունական յոգուրտ 4-5 ճաշի գդալ
- Սուսամբար 0.5 թեյի գդալ
- Սխտոր 2 պճեղ
- Աղ` ըստ ճաշակի
- Սև պղպեղ (աղացած)` ըստ ճաշակի
- Ադիգե պանիր 500 գ
- Սպիտակաձավար 4-5 ճաշի գդալ
- Դիժոնի մանանեխ 1 ճաշի գդալ
Ծաղկակաղամբով ջեռեփուկ. Պատրաստման եղանակը
- Կաղամբը քերել խոշոր քերիչով: Ավելացնել յոգուրտ, մանանեխ, սուսամբար, աղ, պղպեղ` ըստ ճաշակի, և ճզմած սխտոր:
- Քերել պանիրը, մի կողմ դնել մոտ 100 գ, իսկ մնացած մասն ավելացնել կաղամբին:
- Խառնել զանգվածը, լցնել յուղաթղթով ծածկված ջեռոցի տապակի մեջ, հարթեցնել և թխել 25 րոպե 170 աստիճանով:
- Հանել տապակը, վրան ցանել մնացած պանիրը և մի քանի րոպեով կրկին դնել ջեռոցը:
Մնում է միայն փխրուն ջեռեփուկը կտրատել կտորներով, զարդարել կանաչիներով և վայելել:
Ծաղկակաղամբով ջեռեփուկը պատրաստ է, վայելեք: Կիսվեք բաղադրատոմսով ձեր ընկերների հետ:
Բարի ախորժակ:
Տեսանյութ
Բրոկոլիի թթու
