Կաթով և մածունով այսպիսի փարթամ ու հրաշալի ծույլ կարկանդակները պատրաստվում են շատ հեշտ և միշտ հիանալի են ստացվում։
Ընտրեք միջուկն ըստ ճաշակի և պատրաստեք թեկուզ ամեն օր։
Ծույլ կարկանդակներ. Անհրաժեշտ բաղադրիչները
_Կաթ 100 մլ
_Մածուն 100 մլ
_Թթվասեր 100 մլ
_Բուսական յուղ 30 մլ
_Խմորիչ 1 ճաշի գդալ
_Շաքարավազ 1 թեյի գդալ
_Աղ 0,5 թեյի գդալ
_Ալյուր 400 գր
Միջուկը պատրաստելու համար
_Կարտոֆիլ 3 հատ
_Սոխ 1 հատ
_Կարագ
Ծույլ կարկանդակներ. Պատրաստման եղանակը
_Կարտոֆիլը եփել և մի կտոր կարագով տրորել պյուրե։
_Ավելացնել մանր կտրատած, տապակած սոխը, սամիթը և թողնել սառչի։
_Խմորի համար մթերքները պետք է լինեն սենյակային ջերմաստիճանի։
_Տաք կաթի մեջ լուծել շաքարավազն ու խմորիչը։
_Մածունը խառնել թթվասերի հետ և զանգվածի վրա լցնել կաթը։
_Ավելացնել բուսայուղը, խառնել և մաս-մաս ավելացնել մաղած ալյուրը։
_Փափուկ և ճկուն խմոր հունցել, ծածկել և թողնել տաք տեղում 1-1,5 ժամ։
_Սեղանին ու ձեռքերին բուսայուղ քսել, խմորը դնել վրան և հունցել։
_Բաժանել մասերի, գնդիկներ անել։
_Յուրաքանչյուր գնդիկը գրտնակել շերտով, դնել միջուկը և ձևավորել կլոր կարկանդակներ։
_Տապակել բուսայուղի մեջ, մինչև ոսկե դարչնագույնը՝ երկու կողմից։
Եթերային ու փափուկ կարկանդակները մատուցում եմ թթվասերով և հենց այդպես, նախաճաշի, ճաշի և ընթրիքի համար շատ համեղ է ստացվում։
Բարի ախորժակ:
Տեսանյութ
Ընտիր պեռաշկի