Ծույլ նրբաբլիթներ. Հյութալի մսի միջուկով շատ համեղ նախուտեստ

Ծույլ նրբաբլիթներ պատրաստեք այս արագ բաղադրատոմսոով:

Բլիթները ստացվում են շատ փափուկ և հաճելի խմորով։ Մսային միջուկը շատ հյութալի է, բուրավետ և ախորժելի։ Շատ ավելի համեղ են, քան սովորական կարկանդակներն ու չեբուրեկները։

Ծույլ նրբաբլիթներ. Հարկավոր են հետևյալ բաղադրիչները

_ալյուր՝ մոտ 500 գ

_աղ 1 թեյի գդալ

_եռացող ջուր 250 մլ

_բուսական յուղ 2 ճաշի գդալ

Միջուկը պատրաստելու համար անհրաժեշտ է

_աղացած միս 800 գ

_կանաչ սոխ և այլ կանաչիներ ըստ ճաշակի

_աղ, համեմունքներ

Ծույլ նրբաբլիթներ. Պատրաստման եղանակը

_Աղացած մսին խառնել մանր կտրատած կանաչիներ և կանաչ սոխ, աղ և պղպեղ։

_Լցնել այն համեմունքները, որոնք միշտ վերցնում եք մսի համար:

_Եթե ​​զանգվածը շատ թանձր է, ավելացրեք կարագ կամ սառը ջուր, արգանակ, թթվասեր։

_Մաղած ալյուրը խառնել աղի հետ, վրան լցնել ջուր, բուսայուղ և խմոր հունցել։

_Կարող եք մի քիչ էլ ալյուր ավելացնել, եթե զանգվածը կպչուն ու մածուցիկ ստացվի։

_Խմորը ծածկել և թողնել 30 րոպե։

_Խմորը բաժանել մասերի, գնդիկներ անել և թողնել 5 րոպե։

_Գրտնակել կլոր բլիթներ, միջուկը դնել մեջտեղում և բլիթը հավաքել շրջանաձև, ստացված գնդիկը գրտնակել տապակի տրամագծի չափով։

_Տապակել մարմանդ կրակի վրա քիչ քանակությամբ բուսական յուղի մեջ։

Բլիթներն ուղղակի հրաշալի են, փափուկ, ախորժելի։ Երբ դրանք հանեք թավայից, վրան քսեք մի կտոր կարագով, որպեսզի դրանք էլ ավելի համեղ լինեն:

Բարի ախորժակ:

Տեսանյութ

Ավանդական նրբաբլիթներ