Եթե չգիտեք, թե ինչ պատրաստել նախաճաշին կամ ինչպես պատրաստել արագ խորտիկ, փորձեք այս պարզ Ծույլ պիցցայի բաղադրատոմսը:
Դա շատ նման է կարտոֆիլով պիցցայի:
Ծույլ պիցցա. Անհրաժեշտ բաղադրիչները
_Կարտոֆիլ 600 գր
_Ցանկացած երշիկ 350 գր
_Ձու 4 հատ
_Աղ, պղպեղ, համեմունքներ՝ ըստ ճաշակի
_Անուշաբույր կանաչիներ՝ ըստ ցանկության
_Կանաչ սոխ և սամիթ՝ ըստ ճաշակի
_Եգիպտացորենի օսլա 3 ճաշի գդալ
_Բուսական յուղ 40 մլ
_Պանիր 100 գր
Ծույլ պիցցա. Պատրաստման եղանակը
_Կարտոֆիլը մաքրել, լվանալ և քերել խոշոր քերիչով, լցնել սառը ջուր և ողողել ավելորդ օսլայից, լավ քամել զանգվածը։
_Քերել պանիրը և երշիկը խոշոր քերիչով։
_Ձվերի վրա աղ, պղպեղ, անել տարբեր ավելացնել համեմունքներ և անուշաբույր կանաչիներ՝ ըստ ճաշակի, լավ խառնել։
_Սոխը և մյուս կանաչիներն ըստ ճաշակի մանր կտրատել և խառնել ձվի զանգվածին։
_Կարտոֆիլը խառնել երշիկի հետ, ավելացնել օսլան և խառնել։
_Կարտոֆիլի զանգվածին ավելացնել ձվերը կանաչիներով, խառնել։
_Տապակին յուղ քսել և լցնել զանգվածը, ծածկել կափարիչով և տապակել մի կողմից 10 րոպե, մարմանդ կրակի վրա։
_Օգտագործելով ափսե, շրջել մյուս կողմը և տապակել կափարիչով ծածկված:
_Եփելու ավարտից մի քանի րոպե առաջ ուտեստի վրան ցանել քերած պանիրը, ծածկել կափարիչով և եփել, մինչև պանիրը հալվի։
_Մատուցելուց առաջ մանրացված սամիթ ցանել։
Ուտեստը կարող եք մատուցել թթվասերով, տնական տարբեր սոուսներով, թարմ բանջարեղենային աղցաններով։
Բարի ախորժակ:
Տեսանյութ
Պիցցա առանց խմոր թխելու
