Կաթնային հաց. Եթերային և անուշահամ փափկություն

Այսօր ես ուզում եմ ձեզ ներկայացնել կաթնային հացի բաղադրատոմս։

Համեղ, փափուկ հացը պարզապես եթերային է ստացվում: Այն անհնար է համեմատել խանութից գնվածի հետ, քանի որ չափազանց համեղ է:

Կաթնային հաց. Անհրաժեշտ բաղադրիչները

_Կաթ 300 մլ

_Թարմ խմորիչ 15 գր (կամ չոր 7 գր)

_Շաքարավազ 1 ճաշի գդալ

_Աղ 1 թեյի գդալ

_Ձու 1 հատ

_Կարագ  30 գր

_Ալյուր 520 գր

Կաթնային հաց. Պատրաստման եղանակը

_Խմորիչը լուծել 300 մլ տաք կաթի մեջ, ավելացնել շաքարավազը և լցնել 2-3 ճաշի գդալ ալյուր:

_Թողնել 15 րոպե տաք տեղում։

_Այժմ այս զանգվածին ավելացնել ձուն և աղը:

_Ալյուր ավելացնելով խմոր անել, ավելացնել կարագ և լավ հունցել խմորը։

_Թասը յուղել բուսայուղով և խմորը դնել մեջը, թողնել 1,5-2 ժամ։

_Խմորը բաժանել 12-15 մասի և գնդիկներ անել։

_Յուրաքանչյուր գնդիկ գրտնակով մի փոքր գրտնակել, այնուհետև փաթաթել և ձևավորել բուլկիներ։

_Դա պետք է անել, որ բուլկիները շերտավոր ու փարթամ լինեն։

_Բուլկիները դնել յուղաթղթով ծածկված ջեռոցի տապակի վրա, ծածկել սրբիչով և թողնել ևս 20-30 րոպե:

_Հացիկներին կաթ քսել և ցանել քնջութի սերմեր։

_Թխել 180 աստիճանով մոտ 12-15 րոպե։

Այս հացը կարելի է թխել մեկ մեծ բոքոնի տեսքով, նայած, թե ինչպես ձեզ դուր է գալիս:

Բարի ախորժակ բոլորին:

Տեսանյութ

Ֆիթնես հաց