Այսօր առաջարկում ենք պատրաստել ուտեստ՝ երկուսը մեկում:
Կաթնաշոռով և կարտոֆիլով բլիթները հարմար են, քանի որ խմորը հիանալի կերպով զուգորդվում է տարբեր լցոնների հետ, այն փարթամ, քնքուշ է, կոկիկ ձևավորում է ամենատարբեր ձևերով կարկանդակներ և փքաբլիթներ:
Կաթնաշոռով և կարտոֆիլով բլիթներ. Անհրաժեշտ բաղադրիչները
_Տաք կաթ 100 մլ
_Տաք ջուր 100 մլ
_Բուսական յուղ 100 մլ
_Կարագ 2 ճաշի գդալ
_Յոգուրտ 1 ճաշի գդալ
_Ձու 1 հատ
_Աղ մի պտղունց
_Խնձորի քացախ 2 ճաշի գդալ
_Ալյուր մոտ 600 գր
Լցոնների համար
_Կաթնաշոռ, կանաչիներ և համեմունքներ` առաջինի համար
_Կարտոֆիլ, սոխ և համեմունքներ` երկրորդի համար
Կաթնաշոռով և կարտոֆիլով բլիթներ. Պատրաստման եղանակը
_Տաք կաթը խառնել ջրի և բուսական յուղի, ձվի, յոգուրտի, փափուկ կարագի և քացախի հետ: Աղ անել և հարել:
_Լցնել մաղած ալյուրը և հունցել փափուկ խմորը:
_Ծածկել և թողնել 15 րոպե:
_Խմորը բաժանել 14 մասի, գնդիկներ անել և ծածկել:
_Գրտնակել շատ բարակ շերտերով և վրան քսել հալած կարագ:
_Շերտերի մի մասի վրա եզրին դնել կաթնաշոռով, սամիթով և մաղադանոսով և համեմված լցոնը: Փաթաթել գլանաձև և դնել ջեռոցի տապակի վրա:
_Շերտերի երկրորդ մասի վրա դնել խոշոր քերիչով մանրացրած կարտոֆիլը՝ խառնած մանր կտրատած սոխով, աղով և պղպեղով:
_Այս շերտերն էլ փաթաթել գլանաձև և դնել ջեռոցի տապակի վրա:
_Ռուլետների վրա քսել կաթով հարած դեղնուց և կտրել կտորներով:
_Թխել 180 աստիճանով՝ մոտ 40 — 45 րոպե:
Ռուլետները ստացվում են փափուկ, շերտավոր և համեղ, եթե խմորը լավ գրտնակեք բարակ շերտերով, ապա խողովակները կատարյալ կդառնան:
Բարի ախորժակ:
