Պատրաստենք Սնկով և Կաղամբով խոզի միս: Մսի հարցում սխալ ընտրություն չանելու համար խորհուրդ ենք տալիս վերցնել մեջքի միս, ոսկորով կամ առանց՝ ըստ ձեր ճաշակի: Եթե ավելի հագեցնող ու հյութալի եք սիրում, վերցրեք ոսկրոտ միս։
Ավելի լավ կլինի, եթե վերցնեք երիտասարդ կաղամբ, այն ավելի հյութալի է և նուրբ: Այսպիսով, համոզված կլինեք, որ տերևները լիովին թխված են և փափուկ: Սերուցքի յուղայնությունը պետք է լինի մինչև 15%, ոչ ավելի, որպեսզի կերակուրը շատ յուղոտ չլինի։
Ավելի հագեցնող ուտեստ պատրաստելու համար այն կարելի է մատուցել սխտորով և անուշաբույր կանաչիներով նախապես կարմրացրած կարտոֆիլի հետ: Շատ համեղ կլինի։
Սնկով և Կաղամբով խոզի միս. Բաղադրիչներ
_Խոզի սրունքի միս 1 կգ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Պապրիկա՝ ըստ ճաշակի
_Սպիտակ կաղամբ 400 գ
_Սոխ 1 հատ
_Արևածաղկի ձեթ 2 ճաշի գդալ
_Շամպինիոններ 200 գ
_Սերուցք 300 մլ
_Կոշտ պանիր 100 գ
Սնկով և Կաղամբով խոզի միս. Պատրաստման եղանակը
_Միսը լվանալ, չորացնել թղթե սրբիչով, կտրատել մոտ 1 սմ հաստությամբ սթեյք, յուրաքանչյուր սթեյքը թեթև ծեծել։
_Դրանից հետո միսը աղ, պղպեղ անել՝ ըստ ճաշակի, երկու կողմից ցանել պապրիկա։
_Սթեյքերը կույտով դնել և թողնել 10 րոպե:
_Կաղամբի գլուխը լվանալ, մեջտեղից կիսել։ Կտրեք յուրաքանչյուր կեսը շերտերով՝ առանց հեռացնելու ցողունը:
_Շերտերի հաստությունը պետք է լինի մոտավորապես նույնը, ինչ մսակտորների հաստությունը։
_Կաղամբը նույնպես պետք է աղ, պղպեղ անել:
_Լայն տապակը ծածկել յուղաթղթով:
_Հերթով դրեք մսի և կաղամբի կտորները մի փոքր իրար վրա ընկնող:
_Տապակը դնել 200 աստիճան տաքացրած ջեռոցում՝ 40 րոպեով։
Սնկով սոուս.
_Սոխը կտրել կես օղակներով: Տապակել արևածաղկի ձեթի մեջ 2 րոպե։
_Սունկը կտրատել և սոխի վրա լցնել թավայի մեջ։ Թեթև աղ, պղպեղ անել, համեմել պապրիկայով։
_Տապակել 3-5 րոպե։
_Լցնել սերուցքը և խառնել։
_Պանիրը քերել մանր քերիչով։
_Տապակի մեջ ավելացնել քերած պանրի կեսը։
_Խառնել սոուսը և բերել եռման, դրանից հետո հեռացնել սոուսը կրակից:
_Հանել տապակը ջեռոցից: Կաղամբի ու մսի վրա լցնել սնկի սոուսը, շաղ տալ մնացած քերած պանիրը։
_Տապակը վերադարձրեք ջեռոցը ևս 10 րոպե։
Նման ուտեստն, անկասկած, կզարմացնի և կուրախացնի ձեր սիրելիներին: Կատարյալ լուծում է ընտանեկան ընթրիքի համար։ Շատ է ստացվում, այնքան, որ հաջորդ օրը նույնպես բավական կլինի։
Սնկով և Կաղամբով խոզի միսը պատրաստ է:
Բարի ախորժակ:
Տեսանյութ
Օջախուրի. Խոզի մսով և կարտոֆիլով ուտեստ
