Կաղամբով կարկանդակներ. Մածունով խմորով ախորժելի ու հագեցնող փարթամություն

Առաջարկում ենք պատրաստել Կաղամբով կարկանդակներ, երբ ուզում եք արագ և համեղ ուտեստ վայելել:

Մածունով թեթև խմորով և կաղամբով ամենահիասքանչ և ախորժելի կարկանդակները։ Դուք կզարմանաք, թե որքան պարզ և արագ է պատրաստվում ամեն ինչ, և՛ կարկանդակները, և՛ կաղամբով միջուկը։

Կաղամբով կարկանդակներ. Անհրաժեշտ բաղադրիչները

_ յուղալի մածուն 500 մլ

_ չոր խմորիչ 3 գ

_ ձու 1 հատ

_ շաքարավազ 1 ճաշի գդալ

_ աղ 1 թեյի գդալ

_ բուսական յուղ 50 գ

_ ալյուր մոտ 800 գ

_ սոդա 1 թեյի գդալ

_ կարագ 50 գ

Միջուկը պատրաստելու համար անհրաժեշտ է

_ կաղամբ 600 գ

_ սոխ 1 հատ

_ աղ, պղպեղ, կանաչիներ

_ կարագ 50 գ

_ բուսական յուղ 30 մլ

Կաղամբով կարկանդակներ. Պատրաստման եղանակը

_ Կաղամբը մանր կտրատել, լցնել տարայի մեջ, ավելացնել եռման ջուր ու 10 րոպե թողնել։

_ Սոխը կտրատել խորանարդիկներով և տապակել թավայի մեջ։

_ Կաղամբը քամել և ավելացնել սոխին, խառնել, աղ և պղպեղ անել ըստ ճաշակի, ավելացնել կարագը և շոգեխաշել 5 րոպե, մի կողմ դնել, որ սառչի։

_ Տաք մածունը միացնում ենք խմորիչի հետ, խառնել ու թողնել 5 րոպե։

_ Ձուն խառնել շաքարավազի, աղի, բուսայուղի հետ և լցնել մածունը, խառնել։

_ Սոդայի հետ մաղած ալյուրը մաս-մաս լցնել, խմորը շաղախել և մաս-մաս ավելացնել փափկած կարագը։

_ Խմորը ծածկել և թողնել 40 րոպե տաք տեղում։

_ Միջուկով կարկանդակներ կազմել և տապակել բուսայուղի մեջ մինչև ոսկե դարչնագույնը։

Ավելի լավ է տապակել թույլ կրակի վրա, որպեսզի փարթամ խմորը լավ թխվի։

Շատ ախորժելի ու հագեցնող կարկանդակները մատուցեք թթվասերով կամ հալած կարագով։

Բարի ախորժակ:

Տեսանյութ

Ընտիր կարկանդակ