Հյութալի կաղամբով կոտլետներ պատրաստենք համեղ ընթրիքի համար: Մեզ պետք կլինեն ամենամատչելի բաղադրիչները:
Ի սկզբանե կոտլետ էին անվանում ոսկորով մսի կտորը, որը տապակում էին: Հիմնականում դրա համար վերցնում էին խոզի կողիկները:
Սակայն 19-րդ դարում կոտլետ հասկացությունը կտրուկ փոխվեց։ Սկսեցին դրանք պատրաստել կտրատած ու հետագայում արդեն՝ աղացած մսից: Պատրաստման այս մեթոդը մեծ աղմուկ բարձրացրեց ամբողջ աշխարհի խոհարարության մասնագետների շրջանում:
Պատրաստենք հյութալի կոտլետներ՝ օգտագործելով նվազագույն քանակությամբ աղացած միս։
Հյութալի կաղամբով կոտլետներ. Բաղադրությունը
_կաղամբ — 300 գ
_ալյուր — 50 գ
_ձու — 1 հատ
_աղացած սև պղպեղ — ½ թեյի գդալ
_թթվասեր — 2 ճաշի գդալ
_սոդա — ½ թեյի գդալ
_մաղադանոս — 3 ճյուղ
_աղ — 1 թեյի գդալ
_աղացած միս — 150 գ
_սոխ — 75 գ
Հյութալի կաղամբով կոտլետներ. Պատրաստման եղանակը
_Սոխն ու կաղամբը մանրացնել քերիչի խոշոր ատամների վրա կամ կորեական քերիչով։
_Բուսական զանգվածի վրա լցնել ջուր և թողնել մի քանի րոպե։ Այնուհետև ջուրը քամել, կաղամբասոխային զանգվածին ավելացնել աղացած միսը, թթվասերն ու ձուն։
_Մաղադանոսը մանր կտրատել, ավելացնել բանջարեղենի զանգվածին աղ ու սև պղպեղի հետ միասին։
_Զանգվածի վրա լցնել ալյուրը և սոդան, խառնել բաղադրիչները, մինչև համասեռ դառնա:
_Ձևավորված կոտլետները դնել յուղաթղթով ծածկված ջեռոցի տապակի վրա։
_Կոտլետները թխել 200 աստիճան տաքացրած ջեռոցում կես ժամ։
Խորհուրդ ենք տալիս թխելուց հետո կոտլետներին կարագ քսել։ Սա առանց կաթի և պաքսիմատի մեջ թաթախելու ուտեստի պատրաստման հիանալի միջոց է։
Բարի ախորժակ:
Տեսանյութ
Աշխարհի ամենաարագ և համեղ ընթրիքը
