Ես հաճախ եմ պատրաստում Կաղամբով սթեյք: Ինձ համար սա թիվ մեկ ուտեստն է, երբ պետք է արագ ու գեղեցիկ սեղան գցել։ Միանգամից ստանում եք և՛ հյութալի միս, և՛ տաք նախուտեստ դրա հետ:
Ընդհանուր առմամբ, սա ժամանակի մեծ խնայողություն է: Բայց գլխավորը նույնիսկ դա չէ։ Կաղամբով սթեյքն այնքան հյութալի և համեղ է ստացվում, որ դժվար է դիմակայել կրկնակի մատուցմանը:
Որպես այլընտրանք, խոզի միսը կարող է փոխարինվել տավարի մսով: Բայց այդ դեպքում ավելացրեք պատրաստման ժամանակը ևս 20-30 րոպեով։
Կաղամբով սթեյք. Անհրաժեշտ բաղադրիչներ
_Սպիտակ փոքր կաղամբ 2 հատ
_Խոզի միս 800 գ
_Թթվասեր 2 ճաշի գդալ
_Մանանեխ 1 ճաշի գդալ
_Լոլիկ 2 հատ
_Կոշտ պանիր 100 գ
_Աղ՝ ըստ ճաշակի
_Սև պղպեղ (աղացած)՝ ըստ ճաշակի
_Արևածաղկի ձեթ՝ ըստ ճաշակի
Կաղամբով սթեյք. Պատրաստման եղանակը
_Կաղամբի փոքր գլուխները կտրատել 4-6 սմ հաստությամբ շերտերով, լավ աղ և պղպեղ անել։
_Հետո միսը կտրատել սովորական սթեյքերի նման։ Նույնպես աղ և պղպեղ անել երկու կողմից։
_Կաղամբի կտորները 2 րոպե տապակել տաք արևածաղկի ձեթով։
_Նույնը անել մսի հետ։ Տապակել այն երկու կողմից, մինչև մի փոքր ոսկեգույն դառնա։
_Առանձին ամանի մեջ խառնել թթվասերն ու մանանեխը։
_Լոլիկը օղակներով կտրատել։
_Կաղամբը դնել յուղաթղթով ծածկված տապակի վրա։ Վրան քսել սերուցքային մանանեխի սոուս:
_Կաղամբի վրա դնել խոզի միսը, վերջում՝ լոլիկի շերտ:
_Տապակը դնել ջեռոցում թխելու 30 րոպե, 180 աստիճան ջերմաստիճանում։
_Այդ ընթացքում պանիրն անցկացնել խոշոր քերիչով, շաղ տալ սթեյքերի վրա և թողնել ջեռոցում ևս 5 րոպե։
Կաղամբով սթեյքը զարդարել կանաչիներով և մատուցել։
Սովորաբար մսով սթեյքերը մատուցում են կարտոֆիլով, խորոված բանջարեղենով կամ ընդեղենով: Ինչ վերաբերում է խմիչքներին, ապա կարող եք մատուցել կարմիր գինի։
Բարի ախորժակ:
Տեսանյութ
Սթեյք սպանախի սոուսով
