Կանաչիներով բլիթներ.  Արագ, համեղ և հագեցնող

Այսօր կարելի է պատրաստել այս հրաշալի կանաչիներով բլիթները, որոնք ուտում են նույնքան արագ, որքան պատրաստվում են:

Հիանալի են ինչպես առաջին ուտեստի համար, այնպես էլ մսեղենի համար: Այս բլիթներն ունիվերսալ ու շատ պարզ են:

Կանաչիներով բլիթներ. Անհրաժեշտ բաղադրիչները

_Կեֆիր 2.5% 400 մլ

_Ձու 2 հատ

_Աղ 0.5 թեյի գդալ

_Խմորի սոդա 1/3 թեյի գդալ

_Բուսական յուղ 30 մլ

_Կանաչ սոխ 4-5 ճյուղ

_Ալյուր 650-700 գրամ

_Մի քիչ բուսական յուղ՝ տապակելու համար

Կանաչիներով բլիթներ. Պատրաստման եղանակը

_Լցնել կեֆիրը ամանի մեջ, ավելացնել աղը, խմորի սոդան և ձուն:

_Հարել, ավելացնել բուսական յուղը և կանաչ սոխը:

_Աստիճանաբար ավելացնելով ալյուրը՝ հունցել խմորը:

_Այնուհետև խմորը բաժանել 8-9 մասի:

_Ալյուր ցանած սեղանի վրա գնդիկներ անել, յուրաքանչյուրը հարթեցնել ձեռքերով՝ մոտ 5 մմ հաստությամբ բլիթի տեսք տալով:

_Տապակի մեջ տաքացնել բուսական յուղը և տապակել բլիթները երկու կողմից, մինչև դրանք դառնան ոսկե դարչնագույն:

_Տեղադրել բլիթները թղթե սրբիչի վրա, ավելորդ յուղը հեռացնելու համար:

Ստացվում են պարզ, մատչելի և համեղ բլիթներ:

Բարի ախորժակ:

Տեսանյութ

Փքուն ալադի կեֆիրով