Կարկանդակներ Ջեռոցում ցանկացած համեղ միջուկով, շատ արագ թռնում են սեղանից։ Հարմար են թե հյուրասիրության համար և թե ընթրիքի։
Содержание
Բաղադրիչներ կարկանդակներ
Խմոր
- 1 ձու
- Մեկ բաժակ կաթ
- Մեկ բաժակ ջուր
- 3 թեյի գդալ շաքարավազ
- Չոր խմորիչ — 11 գ․ մոտ 2 թ․ գդ․
- 50 գրամ ձեթ
- Մեկ թեյի գդալ աղ
- Կես կիլոգրամ ալյուր
Եթե կարտոֆիլով միջուկ, ապա այս բաղադրիչներով
- Կարտոֆիլ — 3-4 հատ
- Սոխառած 1 գլուխ սոխով
- Մեկ փունջ համեմ
- Մեկ գդալ ծիթրոն
- Աղ և պղպեղ
Կարտոֆիլի փոխարեն կարելի է ոսպ օգտագործել, կաղամբ, սունկ, դա արդեն ձեր ընտրությամբ։
Կարկանդակներ Քայլ առ քայլ
- Կարկանդակները թխելու ենք կաթով թթխմորով հասունացած այս խմորից, որի պատրաստման եղանակը ամենայն մանրամասնությամբ կա իմ ալիքում, հղումն էլ կգտնեք տեսանյութի տակ, երբ որ լայքը դնելուց հետո իջնեք մեկնաբանություն գրելու
- Խմորն արդեն լավ հասունացել է
- Ձեթոտ հարթակի վրա շրջենք ամբողջությամբ
- Ալյուր չենք օգտագործելու
- Ձեռքերին բացարձակ չկպնող խմոր է
- Բաժանենք այն մոտավորապես այս չափսի գնդերի
- Այսպիսի կարկանդակների համար ցանկացած համեղ միջուկ համապատասխան է
- Յուրաքանչյուր գունդը պետք է մատներով բացենք, մեջն էլ լցոնենք մեր միջուկը
- Ես այսօր ամենապարզ կարտոֆիլե միջուկ եմ պատրաստել, կարտոֆիլի փոխարեն կարելի է օգտագործել կաղամբ, ոսպ, հավի կրծքամիս, բրոկոլի, առատ սոխառածով և կծու պղպեղով տապակելուց, առատ կանաչի ավելացնելուց հետո շատ համեղ մի բան կստանաք
- Որով էլ այսպես առատ կլցոնեք ձեր կարկանդակները
- Շարենք դրանք ջեռոցի տապակի վրա
- Ամեն դեպքում յուղաթուղթ ես միշտ օգտագործում եմ
- Թխելու ենք 180 աստիճանում մոտ 20-25 րոպե
- Մեկ ձուն կամ միայն դեղնուցը հարենք և քսենք կարկանդակների վրա, որպեսզի լավ կարմրաթուշ կարկանդակներ ստացվեն
- Եթե հանկարծ հայտնաբերեք, որ ձու այդ պահին չունեք սառնարանում կարելի է ձեթ կամ մուգ սև թեյ քսել երեսին
- Հենց բոլոր կարկանդակները լավ կարմրեն արդեն կհանենք ջեռոցից
- Կհիանանք
- Կտեղափոխենք տախտակի վրա հենց այդպես էլ մատուցելու համար
- Տաք-տաք շատ համեղ են, հնարավորության դեպքում հենց այդպես տաք էլ մատուցեք
- Բայց սառելուց հետո էլ վատ չեն ուտվում, կարևորը խմորն ու միջուկը համեղ լինի
Դե ինչ բարի ախորժակ։
Կարկանդակներ Ջեռոցում կարտոֆիլի միջուկով տեսանյութ