Այս Կարկանդակ հացիկները ձեզ անպայման դուր կգան՝ խմորը փափուկ է, եթերային, շատ հաճելի, համադրվում է տարբեր միջուկների հետ։
Կարկանդակ հացիկներ. Անհրաժեշտ բաղադրիչները
_Մածուն 1 բաժակ
_Բուսական յուղ 0,5 բաժակ
_Շաքարավազ 1 ճաշի գդալ
_Աղ 1 թեյի գդալ
_Չոր խմորիչ 1 տուփ
_Ալյուր 3 բաժակ
_Լցոն ըստ ճաշակի
Կարկանդակ հացիկներ. Պատրաստման եղանակը
_Բոլոր մթերքները պետք է լինեն սենյակային ջերմաստիճանում, իսկ մածունը մի փոքր տաքացնել։
_Մածունի մեջ լցնել աղը, շաքարը և բուսայուղը, խառնել։
_Ալյուրը մաղել և դրա մեծ մասը խառնել խմորիչի հետ։
_Ալյուրն աստիճանաբար լցնել հեղուկ զանգվածի և սկսել խմոր հունցել:
_Ալյուրն ավելացնել այնքան, մինչև խմորը դառնա հարթ, համասեռ, դադարի կպչել ձեռքերին։
_Խմորը ծածկել և թողնել տաք տեղում 1,5 — 2 ժամ։
_Թեթև հունցել խմորը և տարբեր միջուկներով կարկանդակների ձևավորել:
_Կարող եք միջուկ չդնել և կունենաք համեղ հացիկներ:
_Կարկանդակները շարել յուղաթղթով ծածկված ջեռոցի տապակի վրա, ծածկել սրբիչով և թողնել 15 րոպե։
_Քսել հարած դեղնուց կամ կաթ։
_Այս խմորը թխվում է 200 աստիճանում մոտ 15-20 րոպե։
Կարկանդակները կլինեն եթերային և փափուկ, երկար ժամանակ կմնան թարմ և ախորժելի։
Բարի ախորժակ:
Տեսանյութ
Կարկանդակ ջեռոցում