Կարտոֆիլ՝ պանրի սոուսով. Գյուղական ոճով համեղ ուտեստ, որը չափազանց պարզ եղանակով է պատրաստվում:
Այս եղանակով պատրաստված կարտոֆիլի կտորները ներսից փափուկ են, բայց դրսից փխրուն, բուրավետ միջուկով: Թաթախման համար համեմունքները կարող են տարբեր լինել ՝ ամեն անգամ կարտոֆիլի բոլորովին ուրիշ համը ստանալու համար:
Содержание
Կարտոֆիլ՝ պանրի սոուսով. Անհրաժեշտ բաղադրիչները 2 բաժնի համար
- Կարտոֆիլ 6 հատ
- Ձիթապտղի յուղ 2 ճաշի գդալ
Թաթախման համար
- Եգիպտացորենի փաթիլներ 30 գր
- Մաղադանոս 1 ճաշի գդալ
- Քաղցր պղպեղ 1 թեյի գդալ
- Կարրի 1 թեյի գդալ
- Կոշտ պանիր 30 գր.
- Աղ՝ ըստ ճաշակի
- Աղացած սև պղպեղ՝ ըստ ճաշակի
Պանրի սոուսի համար
- Սերուցք 10% յուղայնությամբ 200 մլ
- Հալված պանիր 180 գր
- Կարրի 0.5 թեյի գդալ
- Կոշտ պանիր 50 գր.
Կարտոֆիլ՝ պանրի սոուսով. Պատրաստման եղանակը
- Կարտոֆիլը մանրակրկիտ լվանալ և յուրաքանչյուր պալար կտրել 4 մասի: Ցողել ձիթապտղի յուղով և մի կողմ դնել:
- Թաթախումը պատրաստելու համար. Եգիպտացորենի փաթիլները մանրացնել և դրան խառնել մի ճաշի գդալ մանրացված մաղադանոս, քաղցր պղպեղ, կարրի, քերած պանիր և մի պտղունց աղ: Ամեն ինչ խառնել մինչև միատարր վիճակի:
- Յուրաքանչյուր կարտոֆիլի կտորը հերթով թաթախել եգիպտացորենի խառնուրդի մեջ և շարել համապատասխան չափի ջեռոցի տապակի կամ ջեռակայուն սպասքի վրա:
- Թխել 200 աստիճան տաքացրած ջեռոցում« 40 րոպե:
- Մինչ կարտոֆիլը թխվում է, պետք է պատրաստել պանրի սոուսը. Սերուցքը լցնել կաթսայի մեջ, ավելացնել հալված պանիրն ու կարրին: Խառնել, եփել միջին կրակի վրա 2-3 րոպե, մինչև հալված պանիրը լիովին լուծվի:
- Դրանից հետո ավելացնել քերած կոշտ պանիր և եփել, երբեմն խառնելով, ևս 3-5 րոպե: Սոուսը պետք է թանձրանա:
Կարտոֆիլը՝ պանրի սոուսով պատրաստ է: Մատուցել ուտեստը տաք վիճակում:
Բարի ախորժակ: