Նուրբ և բուրավետ կարտոֆիլային գնդիկներ կարելի է հեշտությամբ պատրաստել մատչելի մթերքներից: Հիմնական բաղադրիչը կլինի կարտոֆիլը, որը պետք է եփվի։
Կարտոֆիլի խմորով կարող եք պատրաստել ինչպես բլիթ, այնպես էլ թխվածքաբլիթներ և ցանկացած ձևի հյուրասիրություն: Փորձեք ինչ-որ նոր բան:
Կարտոֆիլային գնդիկներ. Անհրաժեշտ բաղադրիչները
_Կարտոֆիլ 300 գր
_Կարտոֆիլի արգանակ 200 մլ
_Աղ 1 թեյի գդալ
_Շաքարավազ մեկ թեյի գդալ
_Խմորիչ 7 գր
_Ալյուր 450 գր
_Բուսական յուղ 1 ճաշի գդալ
_Ձու 1 հատ
_Բուսական յուղ 700 մլ
Կարտոֆիլային գնդիկներ. Պատրաստման եղանակը
_Նախ եփել կարտոֆիլ, արգանակին աղ անել առանձին տարայի մեջ, թողնել սառչի, մինչև սենյակային ջերմաստիճան։
_Կարտոֆիլը տրորել և ավելացնել մեկ թեյի գդալ աղ, մեկ ձուն ավելացնել, խառնել մինչև հարթվի։
_Ավելացնել շաքարավազն ու խմորիչը, լրացնել տաք կարտոֆիլի արգանակով, խառնել:
_Լավ խմոր ստանալու համար աստիճանաբար ավելացրեք ալյուրը։
_Խորը ամանի ներսը յուղել բուսական յուղով և խմորը դնել դրա մեջ:
_Ծածկել սրբիչով և թողնել 30-40 րոպե։
_Ամեն ինչ յուղել բուսական յուղով, որպեսզի ոչինչ չկպչի ձեռքերին։
_Խմորը դնել սեղանին, բաժանել 12 մասի, յուրաքանչյուրը մասը գնդիկ անել, ծածկել և թողնել 7 րոպե։
_Թավայի մեջ լցնել 700 մլ բուսական յուղը և միացնել թույլ կրակը։
_Գնդիկները միմյանցից որոշ հեռավորության վրա լցնել շատ տաք ձեթի մեջ, քանի որ դրանք տապակվելիս կմեծանան չափերով:
_Երբ ներքևի կողմը լավ կարմրի, շրջել և տապակել մյուս կողմից։
Կեղևը խրթխրթան է, իսկ միջին մասը՝ շատ փափուկ և համեղ։ Կարտոֆիլի գնդիկներն իսկական հրաշք են, որոնք կարող են ուրախացնել տնային կերակուրների սիրահարներին:
Բարի ախորժակ:
Տեսանյութ
Մանր պոնչիկներ 2 րոպեում