Սիրու՞մ եք Կարտոֆիլի տապակա, եթե այո, ապա այս բաղադրատոմսն, անկասկած, կուրախացնի ձեզ: Իսկ եթե այն նաև աղացած մսով է և պանրի կեղևի տակ, ուրեմն իմացեք, որ սա իսկական երանություն է: Ավելի համեղ բան չես պատկերացնի։
Ի դեպ, միջուկը կարելի է փոփոխել ըստ ձեր հայեցողության: Իսկ այսօր կարտոֆիլը կեփենք աղացած մսով։
Կարտոֆիլի տապակա. Անհրաժեշտ բաղադրիչները
_Կարտոֆիլ 4 հատ
_Աղացած միս 200 գրամ
_Սոխ 1 հատ
_Թթվասեր 1 ճաշի գդալ
_Կոշտ պանիր 100 գր
_Աղ/պղպեղ՝ ըստ ճաշակի
Կարտոֆիլի տապակա. Պատրաստման եղանակը
_Կարտոֆիլը նախօրոք եփել կեղևով, այնուհետև, եթե ցանկանում եք, մաքրել, մեջտեղից կիսել և մեջը փոսիկներ անել:
_Մինչ կարտոֆիլը եփվում է, կարելի է պատրաստել լցոնը: Դրա համար աղացած միսը կտրատած սոխով տապակել՝ համեմելով աղով և պղպեղով ըստ ճաշակի։
_Պանիրը քերել և խառնել թթվասերի հետ։
_Միջուկը լցնել կարտոֆիլի փոսիկների մեջ, կարելի է նաև կարտոֆիլի մնացած կտորները մանր կտրատել և խառնել աղացած մսին։
_Միջուկի վրա քսել թթվասերով խառնած պանիր և պատրաստել նախապես տաքացրած ջեռոցում մինչև 180°C 10-15 րոպե։
ՈՒտեստը շատ հեշտ է պատրաստվում, բայց անչափ համեղ է:
Բարի ախորժակ:
Տեսանյութ
Լցոնած կարտոֆիլ
